Ուկրաինայի պատվիրակությունն արդեն մեկնել է Կիեւից եւ բանակցությունների կգա մարտի 3-ի առավոտյան, ասել է ՌԴ նախագահի օգնական Վլադիմիր Մեդինսկին, ով բանակցություններում գլխավորում է ռուսական պատվիրակությունը։
Նրա խոսքով՝ բանակցությունների երկրորդ փուլի ընթացքում կքննարկվի հրադադարի թեման, փոխանցում է «ՌԻԱ Նովոստին»։ Նա ընդգծել է, որ առաջին հանդիպմանը ուկրաինական կողմի հետ մի շարք հարցերի շուրջ փոխըմբռնում է ձեռք բերվել։ Սակայն Ուկրաինան ժամանակ է վերցրել դրանցից ամենագլխավորի մասին մտածելու համար, ասել է է Մեդինսկին։
Նշենք, որ ռուսական պատվիրակությունը նույն կազմով արդեն ժամանել է բանակցությունների։ Դրանք կանցկացվեն Բելովեժսկայա պուշչայում։
