Ֆինլանդիայի VR պետական երկաթուղային ընկերությունը դադարեցնում է Ռուսաստանից բեռնատար գնացքների ընդունումն ու ուղարկումը, հայտնում է РБК-ն:
Ռուսաստանից գնացքների ընդունումը կդադարեցվի մարտի 27-ին՝ տեղի ժամանակով 12:00-ին: Ընկերությունը դեռևս շարունակում է գնացքները հետ ուղարկել Ֆինլանդիայից Ռուսաստան:
Ընկերությունից ընդգծել են, որ չեն կարող շարունակել արեւելյան երկաթուղային հաղորդակցությունը «Ռուսական երկաթուղիներ» ընկերության դեմ սահմանված պատժամիջոցների պատճառով:
VR-ն ավելի վաղ հայտարարել էր մարտի 28-ից «Ալլեգրո» գնացքների երթեւեկությունը դադարեցնելու մասին: