Հեղափոխությունից հետո ոչ մի ընտրություն չի կեղծվում. Վեդիում եղել է պարզ, ընտրական պրոցես, քանի որ երկու  խումբ էր, միգուցե մի փոքր լարվածություն կար: Այս մասին, այսօր՝ մարտի 28-ին, ԱԺ-ում լրագրողների հետ զրույցում ասաց տարածքային կառավարման և ենթակառուցվածքների նախարար Գնել Սանոսյանը։

Դիտարկմանը, որ պաշտոնյաներ են ներգրավվել ընտրական պրոցեսին, Սանոսյանն ասաց, որ իրենք պաշտոնյա լինելուց զատ նաեւ քաղաքական թիմի անդամ են եւ իրավունք ունեն աշխարանքային օրվանից հետո աջակցել իրենց թիմի անդամներին:

Նախարարը հավաստիացրեց, որ իրենց Վեդի գնալու հաջորդ օրն է իրավիճակը սահմանին լարվել:

Ավելի վաղ NEWS.am-ը հայտնել էր, որ նախօրեին՝ մարտի 27-ին, ընտրություններ են տեղի ունեցել Վեդի խոշորացված համայնքում: ԿԸՀ-ն հրապարակել է խոշորացված Վեդի համայնքի համամասնական ընտրությունների նախնական արդյունքները։

Ըստ այդմ, «Քաղաքացիական պայմանագիր» կուսակցությունն ստացել է 13 139 ձայն, «Իմ հզոր համայք» կուսակցությունը՝ 9 694 ձայն։

Քվարկությանը մասնակցել է 23378 ընտրող, որը կազմում է ընտրողների 63 տոկոսը:

ԿԸՀ-ն հրապարակել է Վեդիի ընտրությունների նախնական արդյունքները. ՔՊ-ն հաղթանակ է տարել