Սեւանում ջրի սակավությունը մոտ 300 մլն խմ է, ջրի մակարդակը նախորդ տարվա համեմատ իջել է 25 սմ-ով, այս մասին մայիսի 13-ին լրագրողների հետ հանդիպման ժամանակ հայտարարեց ՀՀ գյուղատնտեսության նախկին փոխնախարար, փորձագետ Գառնիկ Պետրոսյանը։
Նա հավելեց, որ Ազատի ջրամբարում նախորդ տարվա համեմատ 6-7 մլն խմ-ով ջուրը պակաս է, իսկ Երեւանյան լիճը գրեթե դատարկ է։
Պետրոսյանն ընդգծեց ջրային ռեսուրսների նկատմամբ լուրջ մոտեցման կարեւորությունը։ «Նախ պետք է 100 տոկոսով լցնել ջրամբարները եւ նոր մտածել ՀԷԿ-ի շահագործման մասին»,- ընդգծեց փորձագետը։
Ինչ վերաբերում է այժմ նկատվող առատ տեղումներին, ապա, ըստ նրա, տարբեր պատճառներով դրանք միշտ չէ, որ նպաստում են ջրամբարների լցվելուն:
