Գերմանիան նախաձեռնել է բոլոր պատրաստությունները արագ վավերացման համար, եթե Ֆինլանդիան եւ Շվեդիան որոշեն հայտ ներկայացնել ՆԱՏՕ-ին անդամակցելու համար: Reuters-ի փոխանցմամբ՝ այս մասին կիրակի հայտարարել է երկրի ԱԳ նախարար Անալենա Բերբոքն՝ ընդգծելով երկու երկրի համար անվտանգության երաշխիքների անհրաժեշտությունը:
«Գերմանիան պատրաստել է ամեն անհրաժեշտ բան վավերացման արագ գործընթացի կազմակերպման համար»,- ասել է գերմանացի նախարարը լրագրողներին՝ հավելելով, որ նախարարները շաբաթ պայամանվորվել են, որ «մոխրագույն գոտի» չպետք է ձեւավորվի հայտի ներկայացման եւ անդամակցության պահերի միջեւ:
«Եթե նրանք որոշեն միանալ, ապա կկարողանան արագ դա անել… Մենք պետք է վստահ լինենք, որ նրանց անվտանգության երաշխիքներ կտանք, չպետք է անցումային ժամանակաշրջան լինի՝ «մոխրագույն գոտի», որտեղ նրանց կարգավիճակը պարզ չէ»,- ասել է Բերբոքը: