Ռուսաստանը մտադիր չէ դադարեցնել ցորենի մատակարարումները Թուրքիա։ Այս մասին հայտարարել է ՌԴ փոխվարչապետ, ռուս-թուրքական միջկառավարական հանձնաժողովի համանախագահ Ալեքսանդր Նովակը, փոխանցում է ՏԱՍՍ-ը։
«Պատժամիջոցները չեն խանգարում Ռուսաստանի Դաշնությունից ցորենի մատակարարումներին, հարցը ծավալներն են։ Մեր գյուղատնտեսության նախարարությունը կապի մեջ է Թուրքիայի գյուղատնտեսության նախարարության հետ»,-ասել է նա։
Գյուղատնտեսության նախարարությունը 2021-2022 գյուղատնտեսական տարում Ռուսաստանից հացահատիկի արտահանումը գնահատում է 45-48 միլիոն տոննա։