ՄԱԿ-ի Անվտանգության խորհուրդը հինգշաբթի նիստ կանկացնի ԿԺԴՀ-ի հարցով: Այս մասին ասված է համաշխարհային կազմակերպության՝ չորեքշաբթի տարածված ծրագրում։
Հյուսիսային Կորեան մեկ օր առաջ երեք հրթիռային փորձարկում էր իրականացրել։
Ինչպես հայտնել է Reuters-ը՝ վկայակոչելով ԱՄՆ վարչակազմի ներկայացուցչին, նիստին քվեարկություն է նախատեսված Փհենյանի դեմ ավելի խիստ պատժամիջոցներ սահմանող ԱՄՆ բանաձեւի նախագծի հարցով:
Սեուլի տվյալներով՝ չորեքշաբթի Հյուսիսային Կորեան երեք բալիստիկ հրթիռ էր արձակել։ Հարավկորեացի զինվորականների տվյալներով՝ դրանցից մեկը եղել է միջմայրցամաքային, իսկ մյուս երկուսը՝ փոքր հեռահարության բալիստիկ հրթիռներ։ Ընդ որում, մեկ կարճ հեռահարության հրթիռի արձակումը, հավանաբար, անհաջող ավարտ էր ունեցել։ Փհենյանի փորձարկումներին ի պատասխան՝ Ճապոնական ծովի ուղղությամբ երկու հրթիռ էր արձակվել՝ հարավկորեական եւ ամերիկյան։