News
Լրահոս
News
Շաբաթ
Հուլիս 02
USD
407.95
EUR
426.35
RUB
7.46
Տեսնել լրահոսը

G7-ի երկրները կարող են առաջատար դառնալ շրջակա միջավայրը խիստ կեղտոտող հանածո վառելիքի՝ ածխի օգտագործումը դադարեցնելու հարցում, որը պատասխանատու է ջերմոցային գազերի գլոբալ արտանետումների մեծ մասի համար: Այս մասին հայտարարել է Գերմանիայի էներգետիկայի եւ կլիմայի նախարար Ռոբերտ Հաբեկը, հայտնում է AP-ն։

G-7-ի բարձրաստիճան պաշտոնյաները եռօրյա հանդիպում կանցկացնեն Բեռլինում, որի ընթացքում նրանք կփորձեն համաձայնեցնել հանածո վառելիքից էներգիայի վերականգնվող աղբյուրներին անցման ընդհանուր նպատակները, ինչը, ըստ գիտնականների, շատ կարեւոր է կլիմայի փոփոխությունը զսպելու համար:

«G7-ը կարող է որոշակի առաջամարտիկի դեր ստանձնել էլեկտրաէներգիայի արտադրության համար ածխի օգտագործումը աստիճանաբար դադարեցնելու եւ տրանսպորտային համակարգի դեկարբոնիզացիայի գործում»,- ասել է Հաբեկը, հաղորդում է AP-ն:

Նրա խոսքով՝ հարցը կարող է ներկայացվել հաջորդ ամիս Էլմաուում կայանալիք G-7-ի ղեկավարների գագաթաժողովին, այնուհետեւ այս տարվա վերջին՝ G20-ի հանդիպմանը: Առավել զարգացած տնտեսություններից որոշների կողմից սահմանված հավակնոտ նպատակներին հասնելու գործում կարեւոր կլինի G20-ի երկրների ներգրավումը, քանի որ այնպիսի երկրներ, ինչպիսիք են Չինաստանը, Հնդկաստանը եւ Ինդոնեզիան, դեռեւս մեծապես կախված են ածխից:

Հաբեկը նշել է, որ սխալ կլինի ներկա էներգետիկ ճգնաժամը հաղթահարելու երկրների ջանքերը դիտարկել որպես հանածո վառելիքի օգտագործումը դադարեցնելու ջանքերին հակազդեցություն: «Այն, ինչ մենք հիմա տեսնում ենք, էկոլոգիական վերափոխման արագացում է»,- ասել է նա:

Բեռլինում կայանալիք հանդիպման նպատակն է նաեւ պայմանավորվածություններ ձեռք բերել աղքատ երկրներին կլիմայի փոփոխության դեմ պայքարում ֆինանսական օգնության ավելացման, կենսաբազմազանության պահպանման, օվկիանոսների պաշտպանության եւ պլաստիկից աղտոտվածությունը նվազեցնելու համար լրացուցիչ միջոցների վերաբերյալ:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Վրաստանում ռուսական էներգիայից հրաժարումն անթույլատրելի շքեղություն են անվանել
2021-ին Ռուսաստանը դարձել է Վրաստան էլեկտրաէներգիայի խոշորագույն արտահանողը, որին բաժին է ընկնում երկիր մատակարարումների կեսից ավելին...
Ճապոնիան յոթ տարվա ընթացքում առաջին անգամ էլեկտրաէներգիայի խնայողության ռեժիմ է ներդրել
Ուժեղ ջերմային ալիքի դեպքում երկրի գրեթե բոլոր հատվածներում, բացառությամբ հարավային Օկինավայի եւ հյուսիսում գտնվող Հոկայդո կղզու, էներգիայի պահուստի գործակիցը կարող է ընդամենը 3.7 տոկոս լինել, մինչդեռ կրիտիկական մակարդակը 3 տոկոսն է...
Նավթի համաշխարհային գներն աննշան իջնում են
Ուրբաթ առավոտյան նավթի համաշխարհային գներն աննշան իջնում են...
ՕՊԵԿ-ը եւ դաշնակցային արտադրող երկրները որոշել են նավթի արդյունահանումը 648 հազար բարելի հասցնել
Այս քայլը, ամենայն հավանականությամբ, քիչ բան կանի բենզալցակայանում բենզինի բարձր գների իջեցման եւ համաշխարհային տնտեսությանը հարվածած գնաճը մեղմելու համար...
Կառուցվող խոշոր հիդրոէլեկտրակայանը լուծելու է էլեկտրաէներգիայի հետ կապված հարցերը․ Արցախի նախագահ
Հունիսի 30-ին գումարվել է Արցախի ԱԺ 7-րդ գումարման 5-րդ նստաշրջանի ամփոփիչ ․․․
Գերմանիայում կասկածում են, որ Ռուսաստանը կարող է վերսկսել բնական գազի մատակարարումը Եվրոպա
«Գազպրոմ»-ը հայտնել է, որ Կանադայում վերանորոգվող սարքավորումները մնացել են այնտեղ՝ Արեւմուտքի պատժամիջոցների պատճառով...
Ամենաշատ
Ֆոտոռեպորտաժներ