Դաշնային խորհուրդը չորեքշաբթի կայացած նիստին չեղյալ է հայտարարել կենսաթոշակային ապահովման ոլորտում ԱՊՀ անդամ երկրների քաղաքացիների իրավունքների երաշխիքների մասին համաձայնագիրը։
Ինչպես նշվում է բացատրական փաստաթղթում, ավելի քան 30 տարի առաջ ստորագրված համաձայնագրի դրույթներն այլեւս չեն համապատասխանում ԱՊՀ երկրների կենսաթոշակային համակարգերի գաղափարախոսությանը եւ հիմնարար սկզբունքներին, ինչպես նաեւ թույլ չեն տալիս այդ պետությունների քաղաքացիներին լիարժեք իրացնել իրենց կենսաթոշակային իրավունքները թոշակի անցնելուց հետո:
Հաշվի առնելով կենսաթոշակային հարցի «զգայուն բնույթը»՝ համաձայնագրից Ռուսաստանի Դաշնության դուրս գալու որոշումը պաշտոնականացվում է դաշնային օրենքի տեսքով,նշվում է փաստաթղթերում։
ԱՊՀ մի շարք երկրների՝ Հայաստանի, Բելառուսի, Ղազախստանի եւ Ղրղզստանի հետ արդեն իսկ նոր համաձայնագրեր են ստորագրվել կենսաթոշակային ապահովման ոլորտում։ Այսպիսով, Ռուսաստանի կողմից նախկին համաձայնագրի չեղարկումից հետո ԱՊՀ քաղաքացիներին կենսաթոշակների տրամադրումը կիրականացվի կնքված նոր պայմանագրերի կամ ազգային օրենսդրության համաձայն։
