Մոլդովայի իշխանությունները սկսել են վերլուծել Անկախ Պետությունների Համագործակցությանը (ԱՊՀ) մասնակցության դրական եւ բացասական կողմերը Եվրամիությանն անդամալցության համար դիմելու ֆոնին։ Այս մասին հայտարարել է արտաքին գործերի եւ եվրաինտեգրման նախարար Նիկոլաե Պոպեսկուն, հայտնում է Point.md-ը։
Մոլդովայի ԱԳՆ ղեկավարը նշել է, որ առայժմ իրավական խոչընդոտներ չի տեսնում ԱՊՀ-ում Քիշնեւի մասնակցության համար։ Ընդ որում, նա ասել է, որ իր երկիրը սկսել է աշխատել միջազգային այդ կազմակերպությունում մասնակցության իրական հետեւանքների գնահատման ուղղությամբ։
«Մեզ այդ կազմակերպությունում մեր երկրի մասնակցության համապարփակ վերլուծություն է անհրաժեշտ, ինչի վրա, պետք է խոստովանենք, մեծ ազդեցություն է ունեցել տարածաշրջանային իրավիճակը, Ռուսաստանի Դաշնության ագրեսիան»,- ասել է Պոպեսկուն։
Նախարարը հավելել է, որ եվրաինտեգրումը Քիշնեւի համար առաջնահերթություն է մնում։ Ընդ որում, Մոլդովայի՝ ԵՄ անդամակցության նախապատրաստումը երկար ժամանակ կպահանջի, այդ գործընթացը, ըստ Պոպեսկուի, կարող է տեւել մինչեւ 12 տարի։