News
Լրահոս
News
Հինգշաբթի
Օգոստոս 11
USD
405.78
EUR
415.48
RUB
6.71
Տեսնել լրահոսը

Հունիսի 16-ին ՀՀ ԱԳ նախարար Արարատ Միրզոյանն ընդունել է ԵԱՀԿ Խորհրդարանական Վեհաժողովի նախագահ Մարգարետա Սեդերֆելտի գլխավորած պատվիրակությանը, NEWS.am–ին տեղեկացնում են ԱԳՆ–ից։

Նախարար Միրզոյանը կարևորել է ԵԱՀԿ դերը՝ որպես տարածաշրջանային անվտանգության ամենամեծ կազմակերպություն, և բարձր է գնահատել ԵԱՀԿ Խորհրդարանական վեհաժողովի հետ համագործակցությունը՝ իբրև ԵԱՀԿ պատասխանատվության գոտում համապարփակ և անբաժանելի անվտանգության ապահովման շուրջ երկխոսության խորհրդարանական հարթակ:

ԱԳ նախարար Արարատ Միրզոյանը և ԵԱՀԿ Խորհրդարանական Վեհաժողովի նախագահ Մարգարետա Սեդերֆելտին համակարծիք էին, որ պատվիրակության այցը լավ առիթ է՝ ուրվագծելու կողմերի միջև փոխշահավետ համագործակցության նոր հնարավորությունները:

Հանդիպման ընթացքում հայկական կողմը ներկայացրել է Լեռնային Ղարաբաղի հակամարտության կարգավորման գործընթացի, ինչպես նաև Հայաստանի ու Ադրբեջանի միջև հարաբերությունների կարգավորման նպատակով տարվող աշխատանքների շուրջ դիրքորոշումները։

ՀՀ ԱԳ նախարարը շեշտել է, որ չնայած Ադրբեջանի պնդումներին, թե Լեռնային Ղարաբաղն այլևս գոյություն չունի և Լեռային Ղարաբաղի հակամարտություն չկա, միջազգային հանության շրջանում առկա է համընդհանուր կոնսենսուս առ այն, որ Լեռնային Ղարաբաղի հակամարտությունը շարունակում է չլուծված մնալ:

Արարատ Միրզոյանը նաև ընդգծել է, որ ԼՂ հակամարտությունն իր համապարփակ և տևական կարգավորումը պետք է ստանա միջազգային հանրության կողմից միջնորդական մանդատ ունեցող միակ ձևաչափի՝ ԵԱՀԿ Մինսկի խմբի համանախագահության շրջանակներում:

Հայաստանի արտաքին գերատեսչության ղեկավարը  մտահոգություն է հայտնել Ադրբեջանի իշխանությունների շարունակական հայատյաց ու ռազմատենչ հռետորաբանության, Հայաստանի ու Լեռնային Ղարաբաղի նկատմամբ սադրիչ գործողությունների առնչությամբ։ Նա դատապարտել է Հայաստանի ինքնիշխան տարածքի նկատմամբ Ադրբեջանի կողմից շարունակաբար հայտարարվող նկրտումները, որոնք լրջագույն կասկածի տակ են դնում Ադրբեջանի՝ տարածաշրջանում խաղաղության հասնելու հայտարարությունների անկեղծությունը։

ԱԳ նախարարը զրուցակիցների ուշադրությունն է հրավիրել այն փաստին, որ միջազգային հումանիտար իրավունքի նորմերի կոպիտ խախտմամբ՝ Ադրբեջանը շարունակում է պատանդառության մեջ պահել հայ ռազմագերիների և քաղաքացիական անձանց, ինչպես նաև նպատակաուղղված քաղաքականություն է վարում 44-օրյա պատերազմի իրվերահսկողության տակ անցած տարածքներում հայկակակն կրոնական ու մշակութային ժառանգության ինքնության խեղաթյուրման և ոչնչացման ուղղությամբ: Այս համատեքստում ընդգծվել է հրատապ լուծում պահանջող այս խնդիրների լիարժեք հասցեագրման ուղղությամբ միջազգային հանրության կողմից գործնական քայլերի կարևորությունը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կոչ ենք անում անհապաղ միջոցներ ձեռնարկել՝ Արցախում լարվածությունը նվազեցնելու համար․ Քարփենթեր
Խորապես մտահոգված եմ Լեռնային Ղարաբաղում եւ նրա շրջակայքում ապրողների անվտանգության համար․․․
ԵԱՀԿ-ն Երեւանին եւ Բաքվին կոչ է արել անհրաժեշտ միջոցներ ձեռնարկել իրավիճակի դեէսկալացիայի համար
Մենք նախկին պես աջակցում ենք տարածաշրջանում խաղաղության ամրապնդմանն ուղղված բոլոր ջանքերին․․․
Արարատ Միրզոյանը դատապարտել է իրավիճակի ապակայունացնելու ադրբեջանական փորձերը
Արարատ Միրզոյանն Անջեյ Կասպրչիկին է ներկայացրել վերջին օրերի ընթացքում տարածաշրջանում ստեղծված…
Թուրքիայի հետ հարաբերությունների կարգավորման գործընթացի կասեցումը հակաարդյունավետ է. Սարգիս Խանդանյան
«Հայաստանը մտադիր չէ հրաժարվել Թուրքիայի եւ Ադրբեջանի հետ բանակցություններից...
Թուրքիայի հետ հարաբերությունների կարգավորման բանակցություններում ՀՀ-ն պաշտպանում է միայն իր շահերը. Մարիա Կարապետյան
«Այն, որ Թուրքիան համաձայնեցնում է իր մոտեցումներն Ադրբեջանի հետ, չպետք է մեզ ինչ-որ շոկի մեջ գցի։ Նրանց հարաբերությունները մեզ համար գաղտնիք չեն...
Հայաստանը հրաժարվում է քննարկել «Զանգեզուրի միջանցքի» հարցը ԵԱՀԿ ԽՎ-ում. Էդուարդ Աղաջանյան
«Պաշտոնական Երեւանը բազմիցս հայտարարել է, որ «Զանգեզուրի միջանցքի» տրամաբանությունը հայկական կողմի համար որեւեէ կերպ ընդունելի չէ...
Ֆոտոռեպորտաժներ