Չինաստանը չորեքշաբթի իրականացրել է Tianxing-1 փորձնական արբանյակի հաջող արձակում՝ երկրամերձ տիեզերական տարածքի ուսումնասիրման համար։ Այս մասին տեղեկացրել է Չինաստանի կենտրոնական հեռուստատեսությունը։

Նրա տվյալներով՝ արբանյակն արձակվել է տեղի ժամանակով ժամը 10.08-ին (Մոսկվայի ժամանակով ժամը 05.08-ին)՝ Kuaizhou-1A կրիչ արբանյակի օգնությամբ, Ցզյուցյուանի տիեզերակայանից (Հանսու նահանգ)։

Ինչպես նշվել է տեղեկությունում, արբանյակը հաջողությամբ դուրս է եկել նշված ուղեծիր։

Kuaizhou-1-ը (չինարենից թարգմանությամբ՝ «Արագ նավակ») թեթեւ դասի կրիչ հրթիռ է, որը նախատեսված է ոչ մեծ արբանյակների արձակման համար։ Սկզբում հրթիռն արձակվել է Kuaizhou-1 (KZ-1) տարբերակով, այնուհետեւ սկսել է օգտագործվել դրա կատարելագործված Kuaizhou-1A (KZ-1A) մոդիֆիկացիան։

Kuaizhou-1A-ը եռաստիճան կոշտ վառելիքային կրիչ-հրթիռ է։ Երկարությունը (բարձրությունը) մոտ 20 մետր է, առավելագույն տրամագիծը՝ 1,4 մետր, մեկնարկային զանգվածը՝ 30 տոննա, բեռնատարողությունը՝ մոտ 300 կիլոգրամ ցածր երկրամերձ ուղեծիր դուրս գալու համար, իսկ արեւային-սինքրոն տարածք դուրս գալու համար՝ 200-250 կիլոգրամ։