Թուրքիայի ազգային պաշտպանության նախարարությունը հայտարարել է, որ Մոսկվայում պայմանավորվածություն է ձեռք բերվել «հացահատիկի խնդիրը» լուծելու համար քառակողմ բանակցությունների անհրաժեշտության մասին։
««Պարենային ճգնաժամը» լուծելու նախագահ Ռեջեփ Թայիփ Էրդողանի դիվանագիտական ջանքերը եւ ազգային պաշտպանության նախարար Հուլուսի Աքարի վարած դիվանագիտական գիծը սկսել են դրական արդյունքներ տալ։ Այս համատեքստում երեկ Ռուսաստան է ժամանել Ազգային պաշտպանության նախարարության ռազմական պատվիրակությունը՝ քննարկելու այնպիսի հարցեր, ինչպիսիք են պարենային ճգնաժամի լուծումը, ուկրաինական նավահանգիստներում հացահատիկով սպասող առեւտրային նավերի տարհանումը եւ Թուրքիայի զինված ուժերին պատկանող ինքնաթիռների անվտանգ փոխադրումը «Բորիսպոլ» օդանավակայանից։ Հանդիպմանը, որտեղ քննարկվել է ուկրաինական նավահանգիստներից հացահատիկով բեռնատար նավերի տարհանման հարցը, հայտնի է դարձել, որ պայմանավորվածություն է ձեռք բերվել խնդրի լուծման համար Թուրքիայի, Ռուսաստանի, Ուկրաինայի եւ ՄԱԿ-ի միջեւ բանակցություններ վարելու մասին»,- հայտնել են «ՌԻԱ Նովոստի»-ին Թուրքիայի ռազմական գերատեսչությունում.
Ավելի վաղ Թուրքիայի ազգային պաշտպանության նախարար Հուլուսի Աքարը հայտնել էր, որ որոշակի առաջընթաց կա Սեւ ծովի նավահանգիստներից հացահատիկի արտահանման հարցում, սակայն կան տեխնիկական պահեր, որոնք պահանջում են քննարկումներ Ռուսաստանի, Ուկրաինայի եւ ՄԱԿ-ի հետ։
