News
Լրահոս
News
Հինգշաբթի
Օգոստոս 11
USD
406.09
EUR
419.78
RUB
6.7
Տեսնել լրահոսը


Աշխարհի ավելի քան 75 երկրում ծրագրային ապահովմամբ և խորհրդատվությամբ զբաղվող Synergy International Systems, Inc. ընկերությունը (տեղակայված է Վաշինգտոնում)Երևանում ունի նաև Զարգացման և գլոբալ ուսուցման կենտրոն, որն ինքնուրույննախագծեր է իրականացնում, նաև արտահանում դրանք, կենտրոնը նաև շատ հաճախորդների է բերում Հայաստան։

«Հայաստանը Synergy International Systems-ի համար դառնում է կենտրոն, որը իր գործունեությամբ սպասարկում է հեռավոր արևելքից մինչև հեռավոր արևմուտք ընկած հատվածի շուկան»,- ասում է ընկերության հիմնադիր և գլխավոր գործադիր տնօրեն Աշոտ Հովանեսյանը։Կենտրոնն ունի հետազոտությամբ և մշակմամբ (R&D) զբաղվող լավ թիմ, որի հետազոտությունների արդյունքներն օգտագործելով՝ Synergy International Systems-ի մյուս թիմերըկարողանում են այլ նախագծեր իրականացնել հաճախորդների համար ողջ աշխարհում։ 

Orion Summit-2022-ը՝ նոր հնարավորություն

Orion Summit-2022-ը հիանալի նախաձեռնություն է, ասում է Աշոտ Հովանեսյանը, քանի որ Հայաստանը մեծ ներուժ ունի, հատկապես նոր բիզնեսների ոլորտում, որոնք աջակցության կարիք ունեն։ Առանց այդ աջակցության, նույնիսկ հիանալի գաղափարներ ունենալու դեպքում, հնարավոր է, որ նրանք չկարողանան կայուն բիզնես անել։ Գագաթաժողովը կարող է նոր հնարավորություններ ստեղծել նաև հենց իր ղեկավարած ընկերության համար։

«Շատ ստարտափներ հնարավոր համագործակցություն են փնտրում արևմտյան երկրներում, բայց ես հավատացած եմ, որ համագործակցության շատ մեծ ներուժ կա հենց Հայաստանի ներսում՝ ընկերությունները կարող են համագործակցել միմյանց հետ, ընկերություններից մեկը կարող է գնել մյուսին։ Դա է ճանապարհը, որի միջոցով շատ լավ, փայլուն փոքր ընկերություններ անցում են կատարում իրենց բիզնես գործունեության հաջորդ մակարդակին՝ իրենց սպասվող մեծ մարտահրավերներին առնչվելու փոխարեն։ Կարծում եմ՝ կարևոր է համագործակցություն փնտրել նաև հենց երկրի ներսում։ Եվ Synergy International Systems-ը համարում է, որ գուցե սա շատ պատեհ պահ է գտնելու համար ինչ-որ փոքր ընկերություններ, որոնք կարող են հավելյալ արժեք տալ Synergy International Systems-ին և նրանց հետ սկսենք համագործակցել, միաձուլվել»- ասում է նա։

Խնդիրներ, որոնց ստարտափները բախվում են Հայաստանում

Հայաստանում շատ տաղանդավոր մարդիկ կան, հիանալի գաղափարներ կան, ասում է Աշոտ Հովանեսյանը, սակայն կարծում է, որ որոշ խնդիրները կապված են նրա հետ, թե ինչ են այդ մարդիկ հասկանում բիզնեսից, ինչ պատկերացումներ ունեն բիզնես մասին, ինչպես կարող են հասանելիություն ստանալ ֆինանսական աղբյուրներին և այլն։Հենց այստեղ է Orion Summit-2022-ի դերը, որը մարդկանց, ստարտափներին էլ ավելի է մոտեցնում աշխարհի ֆինանսական կենտրոններին և հնարավորություններին, նշում է Աշոտ Հովանեսյանը։

Հայկական ՏՏ ընկերությունները ուժեղ են այն ոլորտներում, որտեղ ծանր աշխատանք է տարվում, օրինակ՝ մոդելավորում, հատուկ դժվար առաջադրանքներ, նշում է նա։ «Կարծում եմ՝ մենք չունենք այդքան ռեսուրս, որպեսզի լայնածավալ, մեծ համակարգերի ստեղծմամբ զբաղվենք։ Բայց երբ խոսքը շատ սպեցիֆիկ ալգորիթմների, մոդելավորման մասին է, կարծում եմ, որ հայկական ՏՏ ստարտափները կարող են շատ մրցունակ լինել համաշխարհային շուկաներում»,- ասում է նա։

Կոնկրետ ոլորտներում հասնել աշխարհում գերիշխող դիրքերի

Synergy International Systems-ը գնում է կոնկրետ ոլորտներում աշխարհում գերիշխող տեղ զբաղեցնելու ուղղությամբ։ Այդպիսի ուղղություններից է էլեկտրոնային արդարադատության համակարգը։ Մեկ այլ ուղղություն է մշտադիտարկումն ու գնահատումը։ Ընկերությունը մշտադիտարկում և գնահատում է, թե ինչպես են ընկերությունները գործում երկարաժամկետ կտրվածքով, որոնք են այն արդյունքները, որ նրանք կցանկանային ձեռք բերել տվյալ ժամանակահատվածում։ Կարճ ասած՝ մշտադիտարկումէ առաջընթացը և չափում արդյունքները։ Մեկ այլ այսպիսի ուղղություն է սոցիալական պաշտպանությունը։ «Ահա սրանք են այն ուղղությունները, որտեղ ցանկանում ենք գերիշխող դիրք ունենալ։Եվ մենք գործընկերներ ենք փնտրելու Հայաստանում, այդ թվում՝ ստարտափների մեջ, որոնք մեզ կօգնեն մեր այս նպատակին հասնելու համար»,- նշում է Աշոտ Հովանեսյանը։

Հայաստանյան նախագծերը

Synergy International Systems-ը մի քանի նախագծեր է իրականացրել Հայաստանում,  մի մասը ընթացքի մեջ է։ Նման մի ծրագիր արել է էլեկտրաէներգիայի շուկայում․ ընկերության մշակած ծրագրային ապահովումն օգտագործելով՝ կառավարություննստեղծել է շուկա, որպեսզի էլեկտրականությունը որպես ապրանք հնարավոր լինի վաճառել։ Ընկերությունը աշխատում է նաև Կոռուպցիայի կանխարգելման հանձնաժողովի հետ, որտեղ հավաքում է պետական ծառայողներիունեցվածքի ևեկամուտների հայտարարագրման տվյալների մեծ բազա։ «Կուզեինք վստահ լինել, որ մեր այս համագործակցությունը կօգնի կանխելու կոռուպցիան Հայաստանում»,- ասում է ընկերության հիմնադիր և գլխավոր գործադիր տնօրենԱշոտ Հովանեսյանը։

Տպել
Կարդացեք նաև
Ամբողջը
Բարձր տեխնոլոգիական արդյունաբերության նախարար Ռոբերտ Խաչատրյանի գլխավորած պատվիրակությունը կմեկնի Ռուսաստան
«ԱՐՄԻԱ-2022» միջազգային ռազմատեխնիկական համաժողովին եւ «Թվային հեղափոխություն» համառուսական համաժողովին մասնակցելու նպատակով 2022 թվականի օգոստոսի 14-20-ը...
Apple-ը մտադիր է 2023 թվականին վաճառել 1,5 միլիոն AR/MR ակնոց
Հավելյալծ եւ խառը իրականության աջակցությամբ Apple-ի առաջին ակնոցները վաճառքի կհանվեն հաջորդ տարի...
Վերլուծաբանը Apple-ի անլար ականջակալների նոր մոդելների մասին մանրամասներ է ներկայացրել
2023-ին թողարկված բոլոր ականջակալները USB-C միակցիչով պատյան կունենան...
Samsung-ը ներկայացրել է 999 դոլար արժողությամբ Galazy Z Flip 4 նոր սմարթֆոնը
Galazy Z Flip 4-ը վաճառքում կհայտնվի օգոստոսի 26-ին...
WhatsApp-ում խմբակային չաթերից «լուռ» հեռանալու հնարավորություն կհայտնվի
Նորամուծության նպատակն է ազատել օգտատերերին հանրային խմբից դուրս գալու համար անհարմարության զգացումից...
Microsoft-ը Windows 11-ի օգտատերերին նախազգուշացրել է «տվյալների հնարավոր վնասման» մասին
Նախազգուշացումը վերաբերում է Windows 11 եւ Windows Server 2022 օպերացիոն համակարգերին, ինչպես նաեւ ժամանակակից պրոցեսորներով համակարգիչներին...
Ֆոտոռեպորտաժներ