News
Լրահոս
News
Հինգշաբթի
Օգոստոս 11
USD
406.09
EUR
419.78
RUB
6.7
Տեսնել լրահոսը

Այս տարի սովի իրական վտանգ կա, ուրբաթ օրը հայտարարել է ՄԱԿ-ի գլխավոր քարտուղար Անտոնիո Գուտերեշը, որը պարենային անվտանգության հարցերով հանդիպման եկած նախարարներին կոչ է արել գործնական քայլեր ձեռնարկել սննդամթերքի շուկաները կայունացնելու եւ հումքային ապրանքների գների անկայունությունը նվազեցնելու համար, հաղորդում է Reuters-ը։

«Մենք բախվում ենք սովի աննախադեպ համաշխարհային ճգնաժամի»,- ասել է Գուտերեշը տեսակապի միջոցով Բեռլինում կայացած հանդիպմանը: «Ուկրաինայի պատերազմը սրել է տարիներ շարունակ ծագած խնդիրները՝ կլիմայի խախտում, COVID-19 համավարակ, խորապես անհավասար վերականգնում»։

Սոմալիում, Եմենում եւ Հարավային Սուդանում ավելի քան 460 000 մարդ սովի է մատնված՝ համաձայն Սննդի անվտանգության փուլի ինտեգրված դասակարգման (IPC), որը ՄԱԿ-ի գործակալությունների, տարածաշրջանային մարմինների եւ օգնության խմբերի կողմից օգտագործվում է պարենային անապահովությունը սահմանելու համար: Սա տարածաշրջանում սով հայտարարելուց առաջ քայլ է։

IPC-ի տվյալներով՝ 34 երկրներում միլիոնավոր մարդիկ սովի շեմին են։

«Իրական վտանգ կա, որ 2022 թվականին մի քանի վայրերում սով կհայտարարվի։ Իսկ 2023 թվականը կարող է ավելի վատ լինել»,- ասել է Գուտերեշը՝ 21-րդ դարում անընդունելի անվանելով զանգվածային սովը։

ՄԱԿ-ի գլխավոր քարտուղարն ասել է, որ «ճգնաժամի արդյունավետ լուծումն անհնար է, քանի դեռ Ուկրաինան եւ Ռուսաստանը, որոնք արտադրում են ցորենի համաշխարհային արտահանման մոտ 29 տոկոսը, չեն գտնում առեւտուրը պատշաճ կերպով վերսկսելու միջոցը»։

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Միջուկային պատերազմը կոչնչացնի մոլորակը. ՄԱԿ գլխավոր քարտուղար
Գուտերիշը զգուշացրել է, որ միջուկային պատերազմը կոչնչացնի Երկիր մոլորակը....
Չորս նավ ուկրաինական նավահանգիստները լքելու թույլտվություն է ստացել. ՄԱԿ
Համատեղ համակարգող կենտրոնը օգոստոսի 7-ին՝ սննդամթերքով լի 4 նավերի թույլ է տվել լքել ուկրաինական նավահանգիստները, հայտնել է ՄԱԿ-ի մամուլի ծառայությունը...
ՄԱԿ-ի գլխավոր քարտուղարը մտահոգությամբ հետեւում է Լեռնային Ղարաբաղում լարվածության մասին վերջին հաղորդումներին
«Չնայած մենք չենք կարողանում հաստատել կամ ստուգել այդ հաղորդումները՝ կողմերին կոչ ենք անում զսպվածություն ցուցաբերել եւ բոլոր վիճելի հարցերը լուծել երկխոսության միջոցով...
ՄԱԿ-ում ողջունել են ցորենով բեռնված առաջին նավի ելքն Օդեսայի նավահանգստից
Գուտերեշը ողջունել է ցորենով բեռնված առաջին նավի ելքն Օդեսայի նավահանգստից...
ՄԱԿ-ը մեղմել է Կենտրոնական Աֆրիկյան Հանրապետության նկատմամբ զենքի էմբարգոն
ՄԱԿ-ի Անվտանգության խորհրդի անդամ 10 երկրներ կողմ են քվեարկել էմբարգոյի թուլացմանը․․․
ԱԳՆ-ն որեւէ դժգոհություն չհայտնեց ՄԱԿ-ի պաշտոնյայի՝ Ծիծեռնակաբերդի մասին հեռացված գրառման վերաբերյալ․Հայկ Մամիջանյան
Ոչ Ծիծեռնակաբերդը, ոչ էլ Եռաբլուրն իրենց համար սրբատեղիներ չեն․․․
Ֆոտոռեպորտաժներ