Հունիսի 27-ին ԱԺ-ի շենքում տեղի կունենա Վճռաբեկ դատարանի վարչական պալատի դատավորների ընտրության գաղտնի քվեարկությունը։
Քվեարկությունը կսկսվի ժամը 15:00-ին եւ կտեւի մինչեւ 15:40-ը: Վճռաբեկ դատարանի վարչական պալատի դատավոր ընտրվելու համար թեկնածուն պետք է հավաքի պատգամավորների ընդհանուր թվի ձայների 3/5-ը։ Այսինքն՝ ստանա 64 խորհրդարանականի աջակցությունը։
Խորհրդարանական ընդդիմությունը բոյկոտել է ԱԺ-ի աշխատանքները եւ ուստի գաղտնի քվեարկությանը չի մասնակցի:
Հիշեցնենք, որ Վճռաբեկ դատարանի վարչական պալատի դատավորների թափուր պաշտոնների համար Բարձրագույն դատական խորհուրդն առաջադրել է Հրաչ Այվազյանի, Արտակ Զեյնալյանի, Լիանա Հակոբյանի, Արթուր Առաքելյանի, Արա Բաբայանի, Արծրուն Միրզոյանի, Հակոբ Գրիգորյանի, Քրիստինե Մկոյանի եւ Արթուր Պողոսյանի թեկնածությունը:
