News
Լրահոս
News
Երեքշաբթի
Օգոստոս 16
USD
406.19
EUR
414.31
RUB
6.6
Տեսնել լրահոսը


Պետական եկամուտների կոմիտեի մաքսանենգության դեմ պայքարի վարչությունը շարունակում է անզիջում պայքարը թմրամիջոցների և հոգեմետ նյութերի` Հայաստանի Հանրապետության սահմանով անօրինական տեղափոխման ուղղությամբ:

ՊԵԿ-ից NEWS.am-ին հայտնում են, որ վերջին ամիսներին ՀՀ ՊԵԿ մաքսանենգության դեմ պայքարի վարչության իրավապահ համագործակցության և տեղեկությունների վերլուծության բաժնի աշխատակիցների կողմից իրականացվող թիրախային վերլուծությունների և նույն վարչության Զվարթնոց բաժնի աշխատակիցների համատեղ ջանքերի շնորհիվ Արմենիա Միջազգային Օդանավակայաններ ՓԲ ընկերության «Զվարթնոց» օդանավակայանի «Կարգո» բեռնային համալիրի մաքսային հսկողության գոտում մաքսային զննման են ենթարկել ԱՄՆ-ից, Մեծ Բրիտանիայից, Իտալիայից, Գերմանիայից Հայաստանի Հանրապետություն էքսպրես-բեռներ փոխադրողների կողմից ՀՀ ներմուծված միջազգային փոստային առաքանիներ, ինչի արդյունքում թիրախավորված, բարձր ռիսկայնություն ունեցող առաքանիների միջից հայտնաբերվել են տարբեր քաշերի և քանակի «մեթամֆետամին», «ՄԴՄԱ (էքստազի)», «կրիստալ», «մեֆեդրոն» տեսակի թմրամիջոցներին նմանվող զանգվածներ, որոնք թաքցված են եղել  առաքանու մեջ հայտնաբերված սկավառակի տուփի, խաղաթղթերի, դեմքի համար նախատեսված դիմակի, սարքավորումների համար նախատեսված տուփերի մեջ և այլն։

Փաստերի առթիվ ՀՀ քրեական օրենսգրքի 267.1 հոդվածով նախատեսված հանցագործության հատկանիշներով ՀՀ ՊԵԿ մաքսանենգության դեմ պայքարի վարչության աշխատակիցների կողմից նախապատրաստվել են նյութեր, որոնք հայտնաբերված թմրամիջոցի զանգվածների հետ տրամադրվել են ՀՀ ՊԵԿ հետաքննության և օպերատիվ հետախուզության վարչությանը:

ՀՀ ՊԵԿ մաքսանենգության դեմ պայքարի վարչությունը հորդորում է քաղաքացիներին, ձեռնպահ մնալ նմանատիպ գործողություններից՝ անօրինական ճանապարհով արգելված ապրանքներ ներմուծելուց, քանի որ իրականացվում է մշտադիտարկում և թիրախային վերլուծություն։

Ծանուցում. ենթադրյալ հանցագործության համար մեղադրվողը համարվում է անմեղ, քանի դեռ նրա մեղքն ապացուցված չէ օրենքով սահմանված կարգով` դատարանի` օրինական ուժի մեջ մտած դատավճռով:

Տպել
Կարդացեք նաև
Ամբողջը
Փլատակների տակից ևս մեկ մարդու դուրս բերելու լուրը դեռ չենք կարող հաստատել․ մաքրվել է տարածքի մոտ 30%-ը․ նախարար
Կամավորները ձայներ են լսել փլատակների մոտի նկուղային տարածքից և ներկա պահին …
ԱԻՆ-ը հրապարակել է հնարավոր անհետ կորածների 22 անուն․ նրանցից մեկը՝ ՌԴ, 6-ը Իրանի քաղաքացիներ են
Արտակարգ իրավիճակների նախարարությունը հրապարակել է «Սուրմալու» առեւտրի ․․․
«Սուրմալուի» պայթյունի հանգամանքները պարզելու նպատակով վարույթային և քննչական անհետաձգելի գործողություններ են կատարվում
ՀՀ քննչական կոմիտեի Երևան քաղաքի քննչական վարչության ծանր հանցագործությունների ․․․
Ֆրանսիայի դեսպանությունը ցավակցել է «Սուրմալու»-ի պայթյունի հետևանքով զոհվածների ընտանիքներին
Հայաստանում Ֆրանսիայի դեսպանությունը ցավակցություն է հայտնել «Սուրմալու» ․․․
Եգիպտացիները վրդովված են Կահիրեի եկեղեցում մահացու հրդեհին դանդաղ արձագանքից
Եգիպտացիները վրդովված են այն հաղորդագրություններից, որ հրշեջներից եւ բուժաշխատողներից ավելի քան մեկ ժամ է պահանջվել, որպեսզի արձագանքեն ղպտիական քրիստոնեական եկեղեցում բռնկված հրդեհին․․․
Ստանիսլավ Զասը ցավակցական հեռագիր է հղել Նիկոլ Փաշինյանին
Խոր ցավակցություն ենք հայտնում զոհվածների հարազատներին և մտերիմներին․․․
Ֆոտոռեպորտաժներ