News
Լրահոս
News
Երեքշաբթի
Սեպտեմբեր 27
USD
409.82
EUR
394.53
RUB
7.05
Տեսնել լրահոսը

Իրաքի վարչապետ Մուսթաֆա ալ Քադհեմին հուլիսի 21-ը հայտարարել է ազգային սգո օր այն բանից հետո, երբ ինը հանգստացող է սպանվել թուրքական ԶՈւ-ի հրետակոծության ժամանակ քրդական լեռնային գյուղում, տեղեկացրել է AFP-ն։

Քուրդ պաշտոնյայի խոսքով՝ նրանց մարմինները պետք է հասցվեն Բաղդադ Էրբիլից՝ ընտանիքներին հանձնվելու համար։

Զահի շրջանի Փարահ գյուղում հրետակոծության հետեւանքով վիրավորվել է նաեւ 23 մարդ, որոնց մեծ մասը՝ տեղի զբոսաշրջիկներ, որոնք շոգից պատսպարվելու տեղ էին գտել քրդական լեռների հյուսիսում։

Հրետակոծությունը ցասման ալիք է բարձրացրել Բաղդադում թուրքական վիզային կենտրոնի կողքին։

Ցուցարարները վանկարկել են կարգախոսներ՝ պահանջելով վտարել Թուրքիայի դեսպանին։ «Մենք ցանկանում ենք այրել դեսպանատունը։ Դեսպանը պետք է վտարվի,- ասել է 53-ամյա ցուցարար Ալի Յասինը։- Մեր կառավարությունը ոչինչ չի անում»։

Չորեքշաբթի բողոքի ցույցեր են տեղի ունեցել նաեւ շիական Նաջաֆ եւ Քերբելա սրբավայրերի մոտ, ինչպես նաեւ հարավային Նասիրիա քաղաքում։

Իրաքի վարչապետը Թուրքիային նախազգուշացրել է, որ Իրաքը «պատասխան հարվածի իրավունք է վերապահում»՝ հրետակոծությունն անվանելով ինքնիշխանության «աղաղակող խախտում»։

Իրաքը հայտարարել է, որ Անկարայից հետ է կանչում իր վստահված անձին, եւ պահանջել է Թուրքիայից պաշտոնական ներողություն խնդրել, ինչպես նաեւ «դուրս բերել զինված ուժերն ամբողջ իրաքյան տարածքից»։

Թուրքիայի արտաքին գործերի նախարարությունը չի ընդունում հրետակոծության պատասխանատվությունը՝ հայտարարելով, որ նման «ահաբեկչություններ» կատարվել են «ահաբեկչական կազմակերպությունների» կողմից։

Ապրիլին Անկարան հարձակում է սկսել Իրաքի հյուսիսում, որն ստացել է «Ճանկ-ամրոց» անվանումը, եւ որի նպատակն էին, ըստ նրա, Քրդստանի Աշխատավորական կուսակցության գրոհայինները։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Թուրքիայի իշխանությունները երկու քուրդ ապստամբի մեղադրել են երկրի հարավում ոստիկանության վրա հարձակվելու մեջ
Երկու քուրդ գրոհայինԹուրքիայի հարավում հարձակվել է ոստիկանության վրա...
Էրդողանը խոսել է ԱՄՆ–ից Գյուլենի եւ PKK–ի զինյալներին Թուրքիա վերադարձնելու անհրաժեշտության մասին
Էրդողանը պնդել է, թե Թուրքիան շատ է տուժվել ահաբեկչությունից...
Ռուսաստանի, Իրանի եւ Թուրքիայի նախագահները Թեհրանում կքննարկեն Անկարայի նոր գործողությունը Սիրիայում քրդերի դեմ․ ՌԴ․ ԱԳՆ
Նրա խոսքով՝ Մոսկվան դեմ է ցանկացած գործողության, որը խախտում է սիրիական կարգավորման հիմնարար սկզբունքները․․․
Հայաստանը կաջակցի Իրաքյան Քուրդիստանում դժվար կացության մեջ հայտնված հայերին, եզդիներին, քրդերին ասորիներին
Հայաստանի Հանրապետության կառավարությունն այսօր որոշում է կայացրել Էրբիլում ՀՀ գլխավոր հյուպատոսությանը հատկացնել 80 000 ԱՄՆ դոլար,…
Մոսկվան հավաստիացրել է քրդերին, որ Սիրիայի հյուսիսարերեւլյան շրջաններում գրոհի կանաչ լույս չի վառի Թուրքիայի համար
Մոսկվան քրդերին հավաստիացրել է, որ չի աջակցի թուրքերին Սիրիայում...
Թուրքիան գրավոր դիմումներ է ուղարկել Շվեդիա եւ Ֆինլանդիա՝ խնդրելով արտահանձնել քրդերին եւ Գյուլենի կողմնակիցներին
Քրդստանի աշխատավորական կուսակցության վեց անդամների եւ Գյուլենի վեց կողմնակիցների վերաբերյալ գործերը գտնվում են Ֆինլանդիայում, իսկ Գյուլենի 10 կողմնակիցների եւ ՔԱԿ-ի 11 անդամներինը՝ Շվեդիայում․․․
Ամենաշատ