ՄԵՐԿՈՍՈՒՐ գագաթաժողովը (Հարավային Ամերիկայի երկրների ընդհանուր շուկան) հայտնվել է լրատվամիջոցների գլխագրերում մասնակիցների միջեւ տարաձայնությունների պատճառով, գրում է Jung Welt պարբերականի վերլուծաբան Ֆրեդերիկ Շնաթերերը։
Ուրուգվայը շտապում է, ինչպես հինգշաբթի հստակեցրեց նախագահ Լուիս Լակալ Պուն՝ ասելով, որ ինքը նույնպես կցանկանար ինքնուրույն ավարտել բանակցությունները Պեկինի հետ, եթե անհրաժեշտ լինի: Սա նշանակում է ՄԵՐԿՈՍՈՒՐ-ի կանոնադրության խախտում, որը պարտավորեցնում է անդամ երկրներին համատեղ բանակցություններ վարել երրորդ երկրների հետ առեւտրային համաձայնագրերի շուրջ։
«Հետագա զարգացման ճանապարհին առկա տարաձայնությունների հետեւում կանգնած է այն հարցը, թե ինչպես լավագույնս իրենց պահեն ՄԵՐԿՈՍՈՒՐ-ի պետությունները Ուկրաինայի պատերազմի ֆոնին: Որովհետեւ Ռուսաստանի դեմ արեւմտյան պատժամիջոցների արդյունքում համաշխարհային պարենային եւ էներգետիկ ճգնաժամը զգալիորեն սրվել է։ Ինչպես հինգշաբթի ասաց Արգենտինայի նախագահ Ալբերտո Ֆերնանդեսը՝ «եթե Մոսկվայում ինչ-որ մեկը փռշտա, արգենտինացին կմրսի»: Հաշվի առնելով այս իրավիճակը՝ Ֆերնանդեսը պնդում է, որ պետք է միասնական լինել։
Ռուսաստանի դեմ պատժամիջոցները, միանշանակ, ցույց տվեցին ՄԵՐԿՈՍՈՒՐ-ի երկրներին, որ իրենց արեւմտյան «գործընկերների» վրա հույս դնել չի կարելի։ Արեւմուտքը թքած ունի գլոբալ հարավում մատակարարման իրավիճակի վրա, եւ «ժողովրդավարության» եւ «մարդու իրավունքների» մասին արտահայտությունները չեն փոխում դա։ Զարմանալի չէ, որ հակառուսական եւ, ի վերջո, հակաչինական դաշինքին միանալու ճնշումը չաշխատեց: Ուկրաինա Ռուսաստանի ներխուժումից հետո հարավամերիկյան պետությունների ղեկավարներն ընդգծել են իրենց «չեզոքությունը» եւ Մոսկվայի հետ դիմակայությունը համարել վնասակար»,-գրում է Շնաթերերը։