Եվրոգոտու երկրներն ավելի շատ ծախսում, քան ստանում՝ ուկրաինական պատերազմի տնտեսական հարվածը վառելիքի սուբսիդավորման եւ այլ աջակցության միջոցների միջոցով մեղմելու համար, երեքշաբթի ասել է Եվրոպական կենտրոնական բանկը՝ կոչ անելով կառավարություններին ավելի արդյունավետ կերպով օգտագործել իրենց կանխիկ միջոցները, հաղորդում է Reuters-ը:
Եվրոգոտու 19 երկրները հաստատել են իրենց համախառն ներքին արդյունքի 0.9 տոկոսի աջակցության միջոցառումները, որոնք հիմնականում վերաբերում են էլեկտրաէներգիայի աճող գների փոխհատուցմանը:
Դա պետք է ավելացնի եվրոգոտու ՀՆԱ-ի աճն այս տարի ընդամենը մոտ 0.4 տոկոսային կետով եւ նվազեցնի գնաճը, հիմնականում՝ էներգակիրների գների նվազման հաշվին, հայտարարել է ԵԿԲ-ն:
2022-2024 թթ. ԵԿԲ-ի տնտեսական կանխատեսումների համար օգտագործված ուսումնասիրության մեջ բանկը գնահատել է ազդեցությունը հաջորդ տարվա աճի, ինչպես նաև գնաճի վրա։
ԵԿԲ-ի գնահատականներով՝ 2022-2024 թթ. պատերազմին ի պատասխան հաստատված խթանման միջոցները 0.4 տոկոսային կետից մի փոքր ավել կավելացնեն աճը եւ կզսպեն գնաճը 0.1 տոկոսային կետից մի փոքր ավել:
Պարզվել է նաեւ, որ հարկաբյուջետային խթանման կեսն ուղղված է հանածո վառելիքի կարճաժամկետ սպառմանն աջակցելուն, մինչդեռ միայն նվազագույն մասն է ուղղակիորեն նպաստել «կանաչ տնտեսությանը» անցմանը:
«Առաջ նայելով… պետք է ջանքեռ գործադրել՝ էներգիայի հետ կապված փոխհատուցման միջոցառումների ապահովման համար, որոնք ուղղված կլինեն առավել խոցելի տնային տնտեսություններին»,- հայտարարարել են ԵԿԲ-ում: «Ավելին, խթանները պետք է ուղղված լինեն հանածո վառելիքի օգտագործման եւ ռուսական էներգիայից կախվածության նվազեցմանը՝ պետական ֆինանսների պատշաճ վիճակի պահպանմամբ»: