News
Լրահոս
News
Երկուշաբթի
Հոկտեմբեր 03
USD
406.22
EUR
397.24
RUB
7.09
Տեսնել լրահոսը


«Սուրմալու» առեւտրի կենտրոնում օգոստոսի 14-ին տեղի ունեցած ուժեղ պայթյունի հետեւանքով առաջացած հրդեհի մարման եւ փլատակների տակ մնացած քաղաքացիներին որոնելու աշխատանքները շարունակվում են (ֆոտոռեպորտաժ)։ 

Պայթյունի հետեւանքով զոհվել 7 մարդ։ Յոթերրորդ զոհին փրկարարները դուրս են բերել մոտ կես ժամ առաջ, նրա ինքնությունը դեռեւս հայտնի չէ։ Մյուս վեց զոհերն են՝ Միսակ Մարգարյան, Անահիտ Մխիթարյան, Ջեմմա Նազարյան, Անահիտ Խալաթյան, Վարդան Քոչարյան, Գայանե Ավետիսյան։

Արտակարգ իրավիճակների նախարարության տարածած վերջին հաղորդագրության համաձայն՝ անհետ կորած կարող է համարվել 21 քաղաքացի։ Նրանցից 5-ը՝ Իրանի, 1-ը՝ ՌԴ քաղաքացի է։ Նշենք, որ Իրանի քաղաքացիներից մեկը վեց տարեկան է։

Առողջապահության նախարարության հայտարարության համաձայն՝ տարբեր բժշկական կենտրոններում այս պահին բուժում է ստանում 12 քաղաքացի, նրանց վիճակը միջին ծանրության է։

Քիչ առաջ ԱԻՆ փոխնախարար Արտյուշ Գրիգորյանը լրագրողների հետ զրույցում հայտնեց, որ այս պահի դրությամբ հրդեհաշիջման աշխատանքներն ամբողջությամբ դադարեցվել են, իրականացվում են բացառապես որոնողափրկարարական աշխատանքներ։ Նոր օջախների բռնկման վտանգ կա, սակայն դրանք շատ արագ մարվում են։

Փոխնախարարը ժամկետներ չնշեց, թե երբ կարող են ավարտվել որոնողափրկարարական աշխատանքները։

Նշենք, որ այսօր՝ վաղ առավոտյան, դեպքի վայր է ժամանել  վարչապետ Նիկոլ Փաշինյանը։ Նրան դիմավորել է Երեւանի քաղաքապետ Հրաչյա Սարգսյանը։

Առեւտրի կենտրոնի պայթյունի վերաբերյալ Արցախի ժողովրդի անունից ցավակցություն է հայտնել Արցախի Հանրապետության նախագահ Արայիկ Հարությունյանը։

Նիկոլ Փաշինյանին ցավակցական հեռագիր է հղել ՀԱՊԿ գլխավոր քարտուղար Ստանիսլավ Զասը։

Պայթյունի դեպքի առթիվ նախաձեռնվել է քրեական վարույթ՝ ՀՀ ՔՕ 357-րդ հոդվածի 2-րդ մասի (Հրդեհային անվտանգության կանոնները կամ պահանջները խախտելը, որն անզգուշությամբ առաջացրել է մարդու մահ կամ այլ ծանր հետեւանք) եւ 358-րդ հոդվածի 2-րդ մասի (Դյուրավառ կամ այրիչ նյութերի պահպանման, հաշվառման, փոխադրման, առաքման կամ օգտագործման կանոնները կամ պահանջները խախտելը, որն անզգուշությամբ առաջացրել է մարդու մահ կամ այլ ծանր հետեւանք) հատկանիշներով։

NEWS.am-ի հետ զրույցում կոմիտեի մամուլի խոսնակ Վարդան Թադեւոսյանը հայտնեց, որ վարույթի շրջանակում արդեն կան հարցաքննվածներ։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Մեկ շաբաթում գրանցվել է 252 արտակարգ դեպք. արձանագրվել է 10 մահ. ԱԻՆ
Սեպտեմբերի 26-ից հոկտեմբերի 2-ն ԱԻՆ ՓԾ ճգնաժամային կառավարման ազգային…
Սևան-Երևան ճանապարհին Nissan Xterra-ն բախվել է արգելապատնեշին. կա տուժած (ֆոտո)
Փրկարարները սահմանազատել են տարածքը, հոսանքազրկել ավտոմեքենան...
Ղազախստանում դպրոցականները մանկապարտեզում ջարդ են կազմակերպել
Իրավապահները ոստիկանություն են հրավիրել դպրոցականների ծնողներին եւ մեծահասակների նկատմամբ վարչական արձանագրություններ կազմել։
Մուսալեռ գյուղի ռեստորանի մոտ վեճի ժամանակ դանակով հարվածել է 35-ամյա տղամարդու ազդրին ու փախել
Ոստիկանության Վաղարշապատի բաժնի ծառայողների ձեռնարկած միջոցառումների արդյունքում պարզվել է, որ սեպտեմբերի 29-ին, ժամը 23.00-ի սահմաններում...
Աղվան Հովսեփյանին հանցակցելու դրվագով Վրեժ Մարկոսյանի վերաբերյալ կայացվել է մեղադրական դատավճիռ
Արդյունքում` Երևան քաղաքի առաջին ատյանի ընդհանուր իրավասության դատարանի՝ 2022 թվականի հոկտեմբերի 3-ի դատավճռով Վ.Մարկոսյանը մեղավոր է...
Երեք օրում բացահայտվել է 125 հանցագործության դեպք. Գրանցվել է 34 ավտովթար, զոհվել է 3, վիրավորվել՝ 47 մարդ
Օպերատիվ իրավիճակը հանրապետությունում սեպտեմբերի 30-ից հոկտեմբերի 3-ը…
Ամենաշատ