Մեզ մնացել է եւս 40 ք/մ տարածք նայենք, մեկ տղամարդու մարմնի որոնողական աշխատանքներ են իրականացվում։ Նրա անունը Վանիկ է։ Այս մասին օգոստոսի 22-ին լրագրողների հետ զրույցում ասաց ԱԻՆ Փրկարար ծառայության պետի տեղակալ Հովհաննես Եմիշյանը։
Նա ասաց, որ աշխատանքներում ներգրավված է նաեւ կինոլոգիական ծառայությունը։
«ԱԻՆ-ը չի մասնակցի պայթյունի պատճառների հետաքննությանը։ Դա մեր լիազորությունների մեջ չի մտնում»,- հավելեց Եմիշյանը։
Հիշեցնենք, որ «Սուրմալու» առևտրի կենտրոնում բռնկված հրդեհի հետևանքով 16 մարդ է մահացել։ Հարուցվել է քրեական գործ՝ ՀՀ քրեական օրենսգրքի 357-րդ հոդվածի 2-րդ մասով և 358-րդ հոդվածի 2-րդ մասով։
