ԱԺ նախագահ Ալեն Սիմոնյանի հրահանգով Ազգային ժողովի անվտանգության աշխատակիցները բռնություն գործադրելով հեռացրին երկու լրագրողների եւ նրանց հետ գործող օպերատորներին:
«Ազգային ժողովի բնականոն գործունեությունը խաթարելու համար այս երկու լրագրողին եւ օպերատորներին ԱԺ շենքից դուրս հանեք»,-ասաց Ալեն Սիմոնյանը:
Նրա խոսքից հետո անվտանգության աշխատակիցները բռնություն գործադրելով աստիճաններով իջեցրին MediaHub.am կայքի լրագրող Անի Գևորգյանին: Մյուս լրագրողներին նրանք թույլ չտվեցին հետեւել նրան:
Ավելի վաղ NEWS.am-ը հայտնել էր, որ այսօր ԱԺ-ում միջադեպ էր գրանցվել «Քաղաքացիական պայմանագիր» կուսակցության պատգամավոր Քրիստինե Պողոսյանի եւ լրագրող Անի Գեւորգյանի միջեւ: Նրանց միջեւ վեճ էր ծագել, որի ժամանակ պատգամավորը փորձել էր հարվածել լրագրողին, սակայն գործընկերները բռնել էին պատգամավորի ձեռքը:
«Ձեր տեղը փողոցն է, մի հատ հանգստացեք»,-ասել էր Անի Գեւորգյանը:
ՔՊ-ական Քրիստինե Պողոսյանը փորձեց ձեռքի հեռախոսով հարվածել լրագրողին