News
Լրահոս
News
Շաբաթ
Նոյեմբեր 26
USD
395.53
EUR
393.43
RUB
6.42
Տեսնել լրահոսը

Ուկրաինայում խաղաղության կարելի է հասնել մի քանի օրվա ընթացքում։ Այս մասին հայտարարել է Բելառուսի նախագահ Ալեքսանդր Լուկաշենկոն, փոխանցում է BelTA-ի թղթակիցը։

«Այսօր շատ է խոսվում այս հակամարտության մասին։ Միեւնույն ժամանակ, շատերն ասում են, որ խաղաղություն կցանկանային այդ երկրում։ Հատկապես՝ եվրոպացիները, քանի որ այդ հակամարտությունը մեր եվրոպական տանն է։ Եվ եթե եվրոպացիներն անկեղծորեն ցանկանում են դա, ապա մի քանի օրվա ընթացքում կարելի է խաղաղության հասնել։ Եվս մեկ անգամ հայտարարում եմ դա եւ նախազգուշացնում եվրոպացիներին՝ նորից մտածել եւ ամեն ինչ անել, որպեսզի այդ երկրում խաղաղություն լինի»,- կոչ է արել Բելառուսի ղեկավարը։

Ալեքսանդր Լուկաշենկոն ընդգծել է, որ Բելառուսն իր ամբողջ ուժով անկեղծորեն փորձել է կանխել այդ խելագարությունը։ «Եվ պետք չէ այսօր մեզ նախատել համաագրեսիայի կամ այլ բանի համար։ Մենք միշտ եղել ենք, կանք եւ կլինենք մեր Ռուսաստանի հետ։ Ռուսաստանի հետ մեր դաշինքն ավելի սերտ է, քան ՆԱՏՕ-ի դաշինքը։ Ի՞նչ եք ուզում մեզնից։ Բայց միեւնույն ժամանակ մենք ասում ենք, որ Ուկրաինայում չենք կռվելու։ Եկեք խաղաղ համագործակցենք։ Ուկրաինացիները Բելառուսին կշտամբելու ոչինչ չունեն։ Մեզ՝ բելառուսներիս, կշտամբելու բան չկա։ Մենք չենք սկսել Ուկրաինայի հետ հակամարտությունը։ Այդ նրանք էին, որ արեւմտյան տերություններից եւ Ամերիկայից առաջ փակեցին երկինքը մեր ինքնաթիռների թռիչքների համար եւ Բելառուսի տնտեսական շրջափակում հայտարարեցին, ասել է պետության ղեկավարը։- Ինչո՞ւ եք հիմա անհանգստանում ու մեզնից ինչ-որ բան պահանջում։ Մենք սրբորեն կատարում ենք Ռուսաստանի հետ մեր պայմանավորվածությունները։ Եւ այդ մասին մինչեւ հակամարտությունը ՆԱՏՕ-ում եւ առավել եւս Ամերիկայում բոլորը գիտեին: Բայց մենք ոչ ոքի չենք սպանել եւ չենք պատրաստվում սպանել»:

Ալեքսանդր Լուկաշենկոն հիշեցրել է, որ Բելառուսը միշտ բանակցությունների կողմնակից է եղել, եւ հենց բելառուսական հողում է կայացել Ռուսաստանի եւ Ուկրաինայի միջեւ բանակցությունների երեք փուլ։ «Մենք ամեն ինչ անում ենք արյունահեղությունը դադարեցնելու համար։ Բայց ինչ-որ մեկին պետք է այդ արյունահեղությունը: Ո՞ւմ… Դուք, դիվանագետներդ, պարզեք»,- ամփոփեց նա:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ճապոնիան պատրաստ է հարձակման դեպքում ԱՄՆ-ի հետ համատեղ հակահարվածների․ Kyodo
Գործակալությունը նշում է, որ նման դիրքորոշումը ներկայումս քննարկվում է իշխող կոալիցիայում։  Նման ․․․
Կլիչկոն հայտնել է, որ Կիեւի բնակիչների 25 տոկոսն առանց էլեկտրականության է մնացել
Կիեւում ստեղծված իրավիճակի հետ կապված այլ մանրամասներ դեռեւս չեն հաղորդվում․․․
Ուկրաինական ԶԼՄ-ները հայտնում են Դնեպրոպետրովսկում երկու պայթյունի մասին
Տվյալ պահին այլ մանրամասներ չեն հաղորդվում․․․
Բելգիան ստորջրյա դրոններ եւ շարժական լաբորատորիաներ կտրամադրի Ուկրաինային
Բացի այդ, Բելգիայի իշխանությունը 100 հրահանգիչ կուղարկի Ուկրաինա՝ ԵՄ ուսումնական առաքելության ․․․
Մեծ Բրիտանիայի արտգործնախարարը հայտարարել է Ուկրաինային միլիոն ֆունտ սթեռլինգի չափով աջակցության մասին
«Ձմռան նախաշեմին Ռուսաստանը շարունակում է փորձել կոտրել Ուկրաինայի վճռականությունը խաղաղ․․․
Ստոլտենբերգը հայտարարել է Ուկրաինայի համար ձմռան «սարսափելի սկզբի» մասին
Չնայած դրան՝ Ստոլտենբերգը փաստացի բացառել է ճգնաժամը դիվանագիտական ​​ճանապարհով լուծելու հնարավորությունը․․․
Ամենաշատ