ԱՊՀ գրեթե բոլոր երկրների ղեկավարները կմասնակցեն հոկտեմբերի 14-ին Աստանայում կայանալիք ԱՊՀ գագաթնաժողովին, միայն Մոլդովայի նախագահ Մայա Սանդուն կբացակայի միջոցառմանը՝ զբաղված աշխատանքային գրաֆիկի պատճառով: Այս մասին ասել է Ղազախստանի ԱԳՆ պաշտոնական ներկայացուցիչ Այբեկ Սմադիարովը։
Հոկտեմբերի 7-ին Ղազախստանի նախագահի մամուլի ծառայությունը հայտնել է, որ հոկտեմբերի 14-ին Աստանայում նախատեսված է ԱՊՀ անդամ պետությունների ղեկավարների խորհրդի նիստը՝ Կասիմ-Ժոմարտ Տոկաևի նախագահությամբ։
«Հետհամաճարակային շրջանում առաջին անգամ ԱՊՀ անդամ գրեթե բոլոր երկրների ղեկավարներն անձամբ կմասնակցեն այս կարևոր միջոցառմանը։ Այսպես, միջոցառմանը ակնկալվում է, որ կմասնակցեն Ադրբեջանի, Հայաստանի, Բելառուսի, Ղրղզստանի, Ռուսաստանի, Թուրքմենստանի, Տաջիկստանի, Ուզբեկստանի ղեկավարները, ինչպես նաև ԱՊՀ գործադիր կոմիտեի նախագահը»,- ճեպազրույցում ասել է Սմադիարովը:
