News
Լրահոս
News
Չորեքշաբթի
Փետրվար 08
USD
395.53
EUR
393.43
RUB
6.42
Տեսնել լրահոսը


Կոորդինատները տված է, թե իմ երեխեն որտեղ է, խնդրում եմ, աղաչում եմ, թող իմ երեխին գտնեն, բերեն տան ինձ: Այս մասին, այսօր՝ հոկտեմբերի 12-ին, Արմավիրի մարզի Լուսագյուղ գյուղ մտնող ճանապարհին բողոքի ակցիայի ժամանակ նշեց անհետ կորած ժամկետային զինծառայող Վահե Թորոսյանի մայրը:

«Ես ինչքա՞ն սպասեն, տղաս երեք տեղից վիրավոր է՝ ոտքից, ուսից, գլխից: Մեկ ամիս է՝ ես իմ երեխու ձենը չեմ լսել: Խնդրում եմ, թող իմ երեխուն տան ինձ, ուրիշ բան չեմ ուզում: Մինչեւ իմ երեխին ողջ չտան ինձ, ոչ մի զինակոչիկի ոչ մի թուղթ չի գալու: Էդ թղթերը կտրատելու եմ անձամբ իմ ձեռքով կերցնեմ իրենց: Ամսի 14-ին զանգեց, ասեց՝ շատ լավ եմ, գալու եմ, քեզ գրկելու եմ: գալիս են մեր հետեւից, 2 ժամից չաստում կլինեմ, կզանգեմ: Այդ երկու ժամը դարձավ մեկ ամիս»,-ասաց մայրը:

Նա տեղեկացրեց, որ այսօր առավոտյան ամուսնուն հրավիրել են մարզպետարան:

Վահե Թորոսյանի տատը՝ Սեդա Թորոսյանն էլ ասաց. «Երկու օր առաջ ժամանակ էինք տվել, երկու օրում ինչը փոխվեց, մեր երեխեն էն կողմն է, մենք էս կողմը: Ինչքա՞ն կարելի է սպասել: Չեմ կարողանում հարսրս երեսին նայեմ, թաքնվում եմ այս ու այն կողմ: Էլ չեմ համբերում, ով եկավ դեմս կխփեմ, ափսոս դուբինկեն չեմ բերել, որ տամ միլիցեքի գլխին: Թող իրենց հավաքեն, մեր երեխին բերեն, տան: Մեր ամբողջ գյուղը կանգնած է, սպասում ենք մեր երեխի գալուն: Ոնց տարել են, թող նույն ձեւ բերեն տան մեզ:

Ավելի վաղ NEWS.am-ը հայտնել էր, որ սեպտեմբերի 14-ից անհետ կորած ժամկետային զինծառայող Վահե Թորոսյանի հարազատները փակել են Արմավիրի մարզի Լուսագյուղ գյուղ մտնող ճանապարհը:

Նրանք դեռ հոկտեմբերի 10-ին բողոքի ակցիա էին կազմակերպել ՊՆ շենքի մոտ: Հարազատները նշում են, որ Վահե Թորոսյանը վերջին անգամ կապ է հաստատել սեպտեմբերի 14-ին, նա հստակ նկարագրել է, թե որտեղ է գտնվում, բայց ՀՀ իշխանությունները ոչինչ չեն անում իրենց տղային այտեղից հանելու համար, ասում են, որ այդ տարածքը Ադրբեջանի վերահսկողության տակ է:

«Սեպտեմբերի 16-ից ադրբեջանական կողմը թույլ չի տալիս մտնել իրենց կողմից վերահսկվող տարածք՝ Սյունիքի Հանդ գյուղի վերեւի հատված: Երեխեն զանգել է սեպտեմբերի 15-ին, իր ընկերոջը բացատրել է, թե որ ձորակում է: Բայց մերոնք ոչ մի քայլ չեն ձեռնարկում: Մենակ աշխատում է զորամասի հրամանատարական կազմը: Մեր մարդիկ ուզում են մտնել տարածք, բայց Ադրբեջանը թույլ չի տալիս»,-ասել էր հարազատներից մեկը:

Տպել
Ամենաշատ
Ֆոտոռեպորտաժներ