Բաքվում մեկնարկել են ՆԱՏՕ-ի օրերը, որոնք անցկացվում են Ադրբեջանի եւ ՆԱՏՕ-ի միջեւ Անհատական գործընկերության ծրագրի շրջանակում։
Ինչպես հայտնում է Turan-ը, վկայակոչոլով երկրի պաշտպանության նախարարությանը, ՆԱՏՕ-ի պատվիրակությունը գլխավորում է Եվրոպայում դաշնակից ուժերի շտաբի պետի տեղակալ, կոնտր-ծովակալ Գունշտեյն Բրուսդալը։
Նոյեմբերի 21-ին նրան ընդունել է Ադրբեջանի զինված ուժերի գլխավոր շտաբի պետ Քերիմ Վելիեւը։
«Քննարկվել են ՆԱՏՕ-ի տարբեր ծրագրերի շրջանակում երկկողմ համագործակցության հարցեր, ինչպես նաեւ առկա եւ հնարավոր սպառնալիքների դեպքում համատեղ գործողությունները»,- նշվում է հաղորդագրության մեջ։
Կոնտր-ծովակալ Բրուսդալը նշել է, որ Ադրբեջանը ՆԱՏՕ-ի հավատարիմ գործընկերն է եւ նշել է Բաքվի դերը ահաբեկչության դեմ պայքարում եւ Ադրբեջանի Զինված ուժերի մասնակցությունը միջազգային խաղաղապահ առաքելություններին։
Այսպիսով, ՆԱՏՕ-ն հերթական անգամ ցույց է տվել, որ մտադիր է շարունակել աչք փակել Ադրբեջանի կողմից Հայաստանի եւ Արցախի դեմ իրականացվող ագրեսիայի վրա։
