ՌԴ նախագահի ուղերձի մասին տեղեկությունը, որում նա, իբր, հայտարարում է «երկրի մոբիլիզացիայի» մասին, չի համապատասխանում իրականությանը։ Այս մասին «ՌԻԱ Նովոստիին» ասել է ՌԴ նախագահի խոսնակ Դմիտրի Պեսկովը։

Ավելի վաղ «Правда.ру» պարբերականը գրել է, որ Պուտինը ուղերձ կհղի մինչեւ տարեվերջ, որում խոսք կլինի «զինվորների եւ սպաների, ինչպես նաեւ տնտեսության մոբիլիզացիայի, խաղի նոր համաշխարհային կանոնների եւ բոլոր ռուսաստանցիների ճակատագրի մասին»։

Պեսկովը հերքել է այդ տեղեկությունը։

Հոկտեմբերի 28-ին ՌԴ ՊՆ-ն նախագահ Պուտինին տեղեկացրել է մասնավոր մոբիլիզացիայի ավարտի մասին, որը հայտարարվել էր սեպտեմբերի 21-ին։

ՌԴ պաշտպանության նախարար Սերգեյ Շոյգուի խոսքով՝ ԶՈւ-ն համալրել է 300 000 մարդ, ինչպես ծրագրվում էր։