News
Լրահոս
News
Հինգշաբթի
Փետրվար 29
Տեսնել լրահոսը

ՀՀ տարածքային կառավարման և ենթակառուցվածքների նախարար Գնել Սանոսյանն ընդունել է Ասիական զարգացման բանկի (ԱԶԲ) Կենտրոնական և Արևմտյան Ասիայի տարածաշրջանի գլխավոր տնօրեն Եվգենի Ժուկովի գլխավորած պատվիրակությանը, որի կազմում էր նաև ԱԶԲ հայաստանյան գրասենյակի տնօրեն Պաոլո Սպանտիգատին։

ՏԿԵ նախարարությունից NEWS.am-ին հայտնում են, որ նախարարը կարևորել է ԱԶԲ-ի հետ բազմոլորտ համագործակցությունը․ «Մեր համատեղ աշխատանքը շատ դրական եմ գնահատում և կարծում եմ, որ բոլոր հիմքերը կան այդ աշխատանքի ծավալներն անընդհատ ավելացնելու համար»,- ասել է նախարարը։

Եվգենի Ժուկովն իր հերթին կարևորել է ԱԶԲ-ի կողմից Հայաստանում իրականացվող ծրագրերը։

Հանդիպման ժամանակ քննարկվել են երկկողմ հերաքրքրություն ներկայացնող մի շարք հարցեր։

Մասնավորապես քննարկվել է Հյուսիս-հարավ ճանապարհային միջանցքի Սիսիան-Քաջարան ճանապարհահատվածի ֆինանսավորման հետ կապված հարցեր։ Նախարարն առաջարկել է մեկտեղել ջանքերը ծրագրի իրականացման համար՝ ընդգծելով դրա կարևորությունն ու ծրագիրը հնարավորինս արագ կյանքի կոչելու անհրաժեշտությունը։

Քննարկվել է նաև դպրոցների սեյսմիկ անվտանգության բարելավման ծրագրի ընթացքը, որի շրջանակներում բազմաթիվ դպրոցներ հիմնանորոգվում են և համապատասխանեցվում միջազգային չափանիշներին։

Քննարկվել են էներգետիկ ոլորտում համագործակցության վերաբերյալ հարցեր։

Հանդիպման ավարտին ստորագրվել է «Գիտելիքի և օժանդակության տեխնիկական աջակցության իրականացում հողմային էներգիայի պոտենցիալ էլեկտրաէներգիայի արտադրության նախագծերի կենսունակության գնահատման համար» հուշագիրը։

Նախարարն ընդգծել է, որ Հայաաստանն արևային էներգիայի առումով մեծ ներուժ ունի, բայց պետք է օգտարգործել նաև քամու հնարավորությունները։ Եվգենի Ժուկովն իր հերթին նկատել է, որ մինչև 2030 թվականը նպատակ է դրվել ոլորտում ներդրումներն ավելացնել և հասցնել մինչև 100 մլրդ-իի և Հայաստանն այս ծրագրի կարևոր մաս է կազմում։ «Շատ ուրախ եմ այս փաստաթղթի ստորագրման համար»,- ասել է Եվգենի Ժուկովը։

Տպել
Կարդացեք նաև
Ամբողջը
Փաշինյանի առաջարկած «Խաղաղության խաչմերուկ» նախագիծը Մեղրիի երթուղու այլընտրանք չէ. Զախարովա
Նա նաև հայտարարեց, որ ՀՀ վարչապետ Նիկոլ Փաշինյանի առաջարկած «խաղաղության խաչմերուկ» նախագիծը...
Շինարարության այս մեթոդները հնացած են, երկրներ կան, որ կարող են 300 դպրոցը 3 ամսում կառուցել. Փաշինյանը՝ ՏԿԵՆ-ում
Պետք է մտածել շինարարության ինդուստրիալիզացիայի մասին…
2023-ին իրականացվել է ճանապարհաշինական նյութերի որակի 6 հազարից ավելի լաբորատոր փորձաքննություն
Իրականացվել է նաև տրանսպորտային միջոցների ինտենսիվության առցանց չափում, միջպետական ճանապարհների ծածկի ուսումնասիրում, ճանապարհային ցանցի…
Այդպիսի ընկերություն չկա, որը չի շահում մրցույթը, եթե օբյեկտիվորեն ի վիճակի է. Փաշինյանը՝ ճանապարհաշինության մասին
2023թ.-ի ընթացքում իրականացվել են 4 կամրջի հիմնանորոգման, 1 վերգետնյա…
Փաշինյանին զեկուցել են՝ Հյուսիս-հարավի Երևան-Գյումրի հատվածը պատրաստ կլինի 2025-ի վերջին
Նախաձեռնվել է Դիլիջանի և Պուշկինի թունելների արդիականացման ծրագիրը…
2018-ից հետո վերանորոգված ոչ մի ճանապարհ մինչև այժմ կրկնակի չի նորոգվել. Փաշինյանը՝ ՏԿԵՆ-ում է
Վարչապետին է ներկայացվել «Ճանապարհային դեպարտամենտ» և Տարածքային զարգացման հիմնադրամների 2023 թ. գործունեության հաշվետվությունները…
Ամենաշատ