News
Լրահոս
News
Ուրբաթ
Հունվար 27
USD
395.53
EUR
393.43
RUB
6.42
Տեսնել լրահոսը

ՀՀ Շիրակի մարզպետ Նազելի Բաղդասարյանն ուղերձ է հղել երկրաշարժի զոհերի հիշատակին և աղետներին դիմակայունության օրվա կապակցությամբ:

«34 տարի անց ավերիչ երկրաշարժի հիշողությունները դեռ մեզ հետ են, ու շիրակցին ամեն դեկտեմբերի 7 կրկին վերապրում է տասնամյակներ առաջվա այն սարսռազդու առավոտվա ծանրությունն ու կորստի ցավը։

Մեզ համար դեկտեմբերի 7-ը դարձել է հիշողության ու ոգեկոչման ոչ միայն օրացույցային օր։ Մեզ հետ ծերացող օրը հիշատակի ու խնկարկման հետ նաև պայքարելու, առաջ քայլելու, նոր նշաձող սահմանելու ու դրան հասնելու է տանում։

Վերջին տարիներին ՀՀ կառավարության կողմից Շիրակի մարզի զարգացմանն ու կառուցմանն ուղղված ծրագրերն ու նախաձեռնություններն առավել քան տեսանելի են։ Դեռ 2018-ին ՀՀ վարչապետի որոշմամբ ձևավորվեց աշխատանքային խումբ՝ աղետի գոտու պետական և համայնքային սեփականություն հանդիսացող տարածքների ոչ հիմնական շինությունների փաստագրման, դրանց հիման վրա ոչ հիմնական շինություններում բնակվող ընտանիքների վերաբնակեցման` բնակարանային պայմանների բարելավման գործընթացի, այդ գործընթացում պետական պարտավորության ծավալները գնահատելու նպատակով։

Ընդամենն օրեր առաջ էլ ՀՀ կառավարության «Աղետի գոտու բնակավայրերի պետական և համայնքային սեփականություն հանդիսացող հողամասերը երկրաշարժից հետո տեղադրված կամ կառուցված ոչ հիմնական շինություններից ազատելու կարգը հաստատելու մասին» որոշմամբ սահմանվել են աղետի գոտու բնակավայրերի պետական և համայնքային սեփականություն հանդիսացող հողամասերը ոչ հիմնական շինություններից հաջորդաբար ազատման, հեռացման և քանդման, այդ շինություններում բնակվող ընտանիքների բնակարանային պայմանների բարելավման մասով պետական աջակցության ցուցաբերման հետ կապված հարաբերությունները:

Այս ամենը քայլեր են, որոնք հստակ նախանշում են ՀՀ կառավարության վերաբերմունքը առկա հիմնախնդիրների լուծման հանդեպ։

Անելիքներ կան, սակայն կամք էլ կա, վստահ եմ՝ համատեղ աշխատանքով կկարողանանք առավել վստահությամբ գնալ առաջ։ Խոնարհվում եմ բոլոր նահատակների հիշատակի առջև»,- ասված է ուղերձում։

Տպել
Կարդացեք նաև
Ամբողջը
Երկրաշարժ Իրանի Սալմաս քաղաքից 20 կմ հյուսիս. այն զգացվել է նաև Սյունիքում
Հունվարի 19-ին, տեղական ժամանակով ժամը 09:55-ին (Գրինվիչի ժամանակով ժամը...
Երկրաշարժ Սևան քաղաքից 10 կմ հյուսիս. էպիկենտրոնային գոտում ցնցման ուժգնությունը կազմել է 3 բալ
Այսօր տեղական ժամանակով ժամը 14:19-ին (Գրինվիչի ժամանակով ժամը 10:19-ին) ՀՀ ԱԻՆ Սեյսմիկ պաշտպանության տարածքային  ծառայության սեյսմոլոգիական...
Իրանում 8 բալ ուժգնության երկրաշարժ է եղել. այն զգացվել է Երեւանում, Արմավիրում ու Արարատում
Սույն թվականի հունվարի 18-ին, տեղական ժամանակով ժամը՝ 14:08-ին...
Ճապոնիայում երկրաշարժ է տեղի ունեցել
Ճապոնիայում, Օգասավարա կղզիներից արեւմուտք երկրաշարժ է տեղի ունեցել...
Թուրքիայում երկրաշարժ է տեղի ունեցել
Զոհերի եւ ավերածությունների մասին տեղեկություններ չկան...
Վրաստանում երկրաշարժ է տեղի ունեցել
Այսօր տեղական ժամանակով ժամը 13:51-ին Վրաստանում ստորգետնյա ցնցումներ են գրանցվել․․․
Ամենաշատ