News
Լրահոս
News
Շաբաթ
Հունվար 28
USD
395.53
EUR
393.43
RUB
6.42
Տեսնել լրահոսը

Եվրոպական հանձնաժողովի Հարեւանության եւ ընդլայնման բանակցությունների գլխավոր տնօրինության Արեւելյան գործընկերության եւ ինստիտուցիոնալ կառուցման հարցերով տնօրեն Լոուրենս Մերեդիթը Բաքվում է եւ հանդիպումներ է անցկացնում Ադրբեջանի քաղաքական ղեկավարության հետ։

Ադրբեջանական լրատվամիջոցները, վկայակոչելով Ադրբեջանի ԱԳՆ-ին հաղորդում են, որ նախարար Ջեյհուն Բայրամովի հետ հանդիպմանը կարծիքներ են փոխանակվել տնտեսական, էներգետիկ, ներդրումային, տրանսպորտային եւ այլ ոլորտներում համագործակցության առկա օրակարգի, ինչպես նաեւ տարածաշրջանում ներկայիս իրադրության վերաբերյալ։

Բայրամովն ընդգծել է այս տարվա հուլիսի 18-ին Ադրբեջանի եւ ԵՄ-ի միջեւ ստորագրված փոխըմբռնման հուշագրի կարեւորությունը ոչ միայն ադրբեջանական գազի մատակարարումը Եվրոպա ավելացնելու, այլ նաեւ էներգիայի այլընտրանքային աղբյուրների զարգացման տեսանկյունից։ Նա նշել է, որ տրանսպորտային միջանցքների ոլորտում ավելացող ջանքերի արդյունքում գրանցվել է Ադրբեջանի տարածքով անցնող բեռների ծավալների աճ։ Բայրամովը գոհունակությամբ նշել է «օկուպացիայից ազատագրված տարածքների վերականգնողական գործունեությունում ներդրումներ կատարելու ԵՄ-ի շահագրգռվածությունը»։

Լ.Մերեդիթն իր հերթին ասել է, որ «Միջին միջանցքի» իրականացման հետ կապված Ադրբեջանի ցուցաբերած նախաձեռնությունն ու ակտիվությունը հանրապետությանը դարձնում է տրանսպորտի եւ տարանցման ոլորտի կարեւոր գործընկերներից մեկը։ Նա նաեւ ընդգծել է, որ ԵՄ-ի համար առաջնահերթ է ներդրումներ կատարել տարածաշրջանների տնտեսությունների, փոքր եւ միջին ձեռներեցության, այլընտրանքային էներգետիկայի, տրանսպորտի եւ թվային զարգացման համար։

Այսպիսով, արդեն որերորդ եվրոպացի պաշտոնյան լիակատար փոխըմբռնում է ցուցադրում Ադրբեջանի հետ, իհարկե, էներգակիրների փոխանակման դիմաց։ Հատկանշական է «Միջին միջանցքի» հիշատակումը. Ադրբեջանում եւ Թուրքիայում երթուղին անվանում են «միջին», այն նախատեսված է կապելու Չինաստանն ու եվրոպական երկրները՝ Ղազախստանի, Կասպից ծովի, Ադրբեջանի եւ Վրաստանի միջոցով։

Սակայն ադրբեջանա-թուրքական տանդեմի՝ «Զանգեզուրի միջանցք» տրամադրելու համառ պահանջն ակնհայտորեն կապված է նախագծի հետ։ Խրախուսելով Ադրբեջանին՝ եվրոպացի պաշտոնյան այսպիսով խրախուսում է Հայաստանի նկատմամբ ագրեսիվ վարքագիծը։ Դժվար է պատկերացնել, որ նման մասշտաբի եվրոպացի պաշտոնյան դա չի հասկանում։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Իրանն ու ՌԴ-ն համաձայնության են եկել 3 տարվա ընթացքում Ռաշթ-Աստարա երկաթուղու կառուցումն ավարտելու շուրջ
Պայմանագրի համաձայն՝ իրանցի կապալառուները ամբողջությամբ կկառուցեն երկաթուղային գծի ենթակառուցվածքը...
Կկառուցվի Նոր Նորք և Նորք Մարաշ շրջանները Երևանի կենտրոնին կապող այլընտրանքային 2 ճանապարհ, նաև էստակադա. Ավինյան
Նոր Նորքի Գյուրջյան և Շոպրոն փողոցների միացման հատվածից նոր ճանապարհ կկառուցվի դեպի Մյասնիկյան պողոտա...
ՌԴ-ն եւ Իրանը կքննարկեն Հնդկաստանի հետ առեւտրային ճանապարհի ստեղծումը՝ պատժամիջոցները շրջանցելու համար. Asia Nikkei
Ռուսաստանը եւ Իրանը կքննարկեն արեւմտյան պատժամիջոցները շրջանցելու նոր միջոց...
«Միջանցքների» մասին Բաքվի հռետորաբանությունը խոչընդոտում է Իրան-Հայաստան-Ռուսաստան-Ադրբեջան երկաթուղու վերականգնմանը
Մենք պատրաստ ենք իրականացնել «Հայկական խաչմերուկի» մասին մեր հայեցակարգը․․․
Ստեփանծմինդա-Լարս ավտոճանապարհը փակ է բեռնատարների համար
Վարորդներին խորհուրդ է տրվում…
Ղազախստանը ստիպված կլինի նավթ մատակարարել ՌԴ տարածքով՝ շրջանցելով նախկին խոչընդոտները․ «Известия»
Ղազախստանն այս իրադարձություններին արձագանքել է արտահանման այլընտրանքային ուղիներ փնտրելու մտադրությամբ․․․
Ամենաշատ