Թուրքական վարչակարգն ընդդիմության ղեկավարներից մեկի՝ Էքրեմ Իմամօղլուի հանդեպ դատավճիռ կայացնելով՝ ի ցույց է դնում Անկարայի շարունակվող անկումը, շարժումը դեպի ավտոկրատիա։ Այս մասին ասել է ԱՄՆ Սենատի արտաքին գործերի կոմիտեի ղեկավար Ռոբերտ Մենենդեսը։
«Ազատ ընտրությունները դեմոկրատիայի կենսական ուժի աղբյուրն են։ Էրդողանը չի կարող շարքից հանել իր քաղաքական ընդդիմախոսներին եւ, միեւնույն ժամանակ, ձեւացնել, թե, իբր, կիսում է մեր արժեքները»,- ասել է կոմիտեի ղեկավարը Թվիթերում։
Դեկտեմբերի 13-ին Ստամբուլի քաղաքապետին՝ Թուրքիայի նախագահի հավանական թեկնածու Էքրեմ Իմամօղլուին դատապարտել են 2 տարի, 7 ամիս եւ 15 օր ազատազրկման։ Դատարանի որոշման համաձայն՝ նրան արգելվել է նաեւ զբաղվել քաղաքական գործունեությամբ։
