ՌԴ նախագահ Վլադիմիր Պուտինի՝ մասնակի զորահավաքի մասին հրամանը շարունակում է գործել, քանի որ այն նախատեսում է ոչ միայն անհրաժեշտ թվով քաղաքացիների զորակոչ, որն ավարտվել է։ Այս մասին երկուշաբթի լրագրողներին ասել է պետության ղեկավարի մամուլի քարտուղար Դմիտրի Պեսկովը՝ պատասխանելով հարցին, թե ինչու զորահավաքի մասին հրամանը չի չեղարկվել, եթե այն ավարտվել է, հաղորդում է ՏԱՍՍ-ը։
«Ինչ վերաբերում է մասնակի զորահավաքի զորակոչին, ապա այս գործընթացն ավարտվել է։ Բայց հրամանը նախատեսում է նաեւ այլ գործառույթներ, որոնք անհրաժեշտ են պաշտպանության նախարարությանը»,- ասել է Կրեմլի խոսնակը։
Նրա խոսքով՝ «մասնակի զորահավաքի շրջանակում զորակոչը իրականացվել է մինչեւ սահմանված թվի հասնելը՝ զինված ուժերի կողմից անհրաժեշտ խնդիրների կատարման համար, այն իրականացվել է, ինչի կապակցությամբ մասնակի զորահավաքի շրջանակում քաղաքացիների զորակոչըդադարեցվել է, ավարտվել է»։ Սակայն, շարունակել է Պեսկովը, «բացի զինվորական ծառայության զորակոչից մասնակի զորահավաքը նաեւ այլ միջոցառումներ է ներառում, որոնք անհրաժեշտ են զինված ուժերի առջեւ դրված խնդիրների իրականացման համար․ դա կապված է զինծառայողների պարտականությունների կատարման հետ» եւ այլն։
«Այդ ուղղությամբ այն շարունակում է գործել», - ասել է Կրեմլի ներկայացուցիչը։
Պեսկովը մանրամասն չի խոսել համապատասխան դրույթների մասին։
«Դա նաեւ կապված է այն փակ կետի հետ (զորահավաքի մասին Պուտինի հրամանագրում կա տասը կետ, որից յոթերորդը թաքնված է «պաշտոնական օգտագործման համար» վերնագրի տակ) եւ այլն»,- ասել է նախագահի մամուլի քարտուղարը։
