Իսպանիայի կառավարությունը ծրագրում է խոշոր էներգետիկ ընկերությունների եւ բանկերի շահութահարկից մոտ 6 մլրդ եվրո հավաքել Կոնգրեսում փոփոխություններ կատարելուց հետո։ Այս մասին հայտարարել է Իսպանիայի բյուջեի նախարար Մարիա Խեսուս Մոնտերոն, հաղորդում է Reuters-ը:
«Ակնկալվող մուտքերը կկազմեն 1,7 մլրդ էներգիայի հարկից եւ 1,3 մլրդ՝ բանկերի հարկից, տարեկան 3 մլրդ եվրո»,-ասել է Մոնտերոն:
Իսպանիան հաստատել է խոշոր էներգետիկ ընկերությունների եւ բանկերի ժամանակավոր հարկը, որն ի սկզբանե նախատեսում էր մինչեւ 2024 թվականը 7 մլրդ եվրո հավաքել՝ կյանքի արժեքի վրա ճնշումը նվազեցնելու միջոցառումների ֆինանսավորման համար: