ԱԷՄԳ-ի աշխատակիցները երեքշաբթի մեկնել են Թեհրան եւ սկսել իրենց հետաքննությունը, ասել է Իրանի ատոմային էներգիայի կազմակերպության (ԻԱԷԿ) ղեկավար Մոհամադ Էսլամին, տեղեկացրել է Mehr-ը։
«Փոխգործակցության եւ համակարգման շնորհիվ մենք միշտ փորձում ենք խուսափել նոր երկիմաստությունից գործակալության հետ համագործակցության գործընթացում»,- ընդգծել է Էսլամին։
Մեկնաբանելով Գործողությունների համատեղ եւ համապարփակ ծրագրի (ԳՀՀԾ) վերականգնման հնարավորությունը՝ Էսլամին քննադատել է մյուս կողմերի մոտեցումը, որոնք իրենց պարտավորությունները չեն կատարում։
ԳՀՀԾ-ի հիմնական կողմերը չեն կատարել իրենց պարտավորությունները, մասնավորապես՝ ամերիկացիները չեն համագործակցել եւ թույլ չեն տվել մյուսներին համագործակցել, ընդգծել է նա։
Իրանի Իսլամական Հանրապետության համար անընդունելի է պարտավորությունների միակողմանի կատարումը, ավելացրել է նա։
Ավելի վաղ Ատոմային էներգիայի միջազգային գործակալությունը (ԱԷՄԳ) հայտարարել էր, որ գիտե Իրանում ուրանի հարստացման մասին եւ անհրաժեշտության դեպքում կտեղեկացնի Կառավարիչների խորհրդին։
Մինչ այդ Իրանը քննադատել էր ԱԷՄԳ-ին միջուկային օբյեկտներից մեկում խախտումների մասին ոչ հավաստի զեկույցի համար։
Մեծ Բրիտանիան, Գերմանիան, ԱՄՆ-ը եւ Ֆրանսիան Իրանին կոչ են արել կատարել պարտավորությունները։
Այս մասին նշվել է պետդեպարտամենտի մամուլի ծառայության տարածած համատեղ հայտարարությունում, Ատոմային էներգիայի միջազգային գործակալության՝ Ֆորդոյի միջուկային օբյեկտի վերաբերյալ զեկույցի հրապարակման հետ կապված։
