Թուրքիայում հասարակական կարծիքի հարցումները ցույց են տվել, որ երկրի գործող նախագահ Ռեջեփ Էրդողանը ժողովրդականությամբ հետ է մնում ընդդիմության առաջնորդ Քեմալ Քըլըչդարօղլուից 10 տոկոսով, գրում է Daily Mail-ը։
Պարբերականը նշում է, որ մայիսի 14-ին Թուրքիայում կայանալիք ընտրություններից առաջ Էրդողանը մի շարք մարտահրավերների է բախվել։ Դրանցից գլխավորը ավերիչ երկրաշարժն էր, որը տասնյակ հազարավոր մարդկանց կյանք խլեց։ Ընդ որում, նշվում է, որ քաղաքագետները խորհուրդ չեն տալիս այն դուրս գրել հաշիվներից, քանի որ չի կարելի մեղքը պետության ղեկավարի վրա ամբողջությամբ բարդել տարերային աղետի համար:
Alf Research ընկերության կողմից մարտի 6-7-ին անցկացված հարցումը ցույց է տվել, որ Քըլըչդարօղլուն առաջիկա ընտրություններում կարող է հավաքել ձայների 55,1 տոկոսը, իսկ Էրդողանը՝ 44,9 տոկոսը: