Էկվադորի կենտրոնական մասում գտնվող Ալաուսի քաղաքում սողանքից հետո անհետ կորածների թիվը հասել է 71-ի, հաղորդում է «ՌԻԱ Նովոստին»։ Ավելի վաղ հաղորդվել է 64 անհետ կորածների եւ 7 զոհվածների մասին։
«Ութ մարդ զոհվել է, 30-ը ՝ վնասվածքներ ստացել, 71-ը համարվում է անհետ կորած։ Փրկվել է 32 մարդ»,-ասվում է հաղորդագրության մեջ։
Ընդհանուր առմամբ աղետի գոտում գտնվել է 500 մարդ։ Կարմիր խաչի տվյալներով՝ ավերվել կամ վնասվել է 163 տուն։