Մենք պետք է շարունակենք ձեռնարկել քայլեր, որոնք կհանգեցնեն խաղաղ լուծման հայաստանի եւ Ադրբեջանի միջեւ: Այս մասին, այսօր՝ մայիսի 4-ին, Պրահայում ՀՀ վարչապետ Նիկոլ Փաշինյանի հետ համատեղ ասուլիսի ժամանակ նշեց Չեխիայի վարչապետ Պետր Ֆիալան:
Հարցին, թե ինչու է Չեխիայի կառավարությունը լռում, երբ Ադրբեջանը չի կատարում իր պարտավորությունները, նա արձագանքեց. «Մենք դրա համար պայմաններ ստեղծել ենք Պրահայում, աջակցում ենք Հայաստանի ջանքերին՝ միտված խաղաղ լուծմանը: Ես կարծում եմ, որ չպետք է խոչընդոտները դիտարկենք կամ խնդիրները: Մենք ընդհակառակը, պետք է փորձենք տեւական խաղաղության հասնել, իսկ դրա համար անհրաժեշտ է նաեւ մյուս կողմը, մեզ պետք են ադրբեջանցիները: Մեզ պետք է երկու կողմից բարի կամք: Այնպես չէ, որ մենք լուռ կմնանք եւ չենք մեկնաբանի
Ես շատ բարձր եմ գնահատում խաղաղությանը միտված դիտանկյունը, որով այս խնդրին անդրադառնում է Հայաստանի վարչապետը: Դա է ճիշտ ուղին, նա կարող է ակնկալել մեր աջակցությունը»: