Հայ-թուրքական սահմանի բացումը կհանգեցնի Հայաստանի տնտեսական զարգացմանը։ Մայիսի 10-ին Ազգային ժողովում լրագրողների հետ հանդիպման ժամանակ այս մասին հայտարարեց իշխող «Քաղաքացիական պայմանագիր» խմբակցության պատգամավոր Գեւորգ Պապոյանը, ով Անկարայում մասնակցում էր ՍԾՏՀ Խորհրդարանական վեհաժողովի գագաթաժողովին։
Նրա խոսքով, հասարակությունը հաճախ է քննարկում, թե արդյոք թուրքական սահմանի բացումն իսկապես ձեռնտու է Հայաստանին։ «Եթե Հայաստանին ձեռնտու չլիներ սահմանի բացումը եւ ձեռնտու լիներ միայն Թուրքիային, ապա նա հինգ վայրկյանում կապաշրջափակեր այն։ Ի վերջո, Թուրքիան է փակել սահմանը։ Այսպիսով, նա տնտեսական ճնշում է գործադրում Հայաստանի վրա՝ միաժամանակ աջակցելով Ադրբեջանին։ Եվ նրանք սա երբեք չեն թաքցրել»,- ասաց Պապոյանը։
Պատգամավորը նկատեց. պատմությունները, թե սահմանի բացումը բերելու է «ապոկալիպտիկ» հետեւանքների, ուղղակի ծիծաղելի են։ Սա, նրա խոսքով, իրականության հետ կապ չունի։
«Հայ-թուրքական սահմանի բացումը կհանգեցնի տնտեսական զարգացման, աշխատատեղերի ստեղծման, բիզնեսի զարգացման, հարկերի ավելացման եւ սոցիալական վիճակի էական բարելավման»,- համոզված է պատգամավորը։
