![](img/news/75/91/75/default.jpg)
ԱՄՆ նախագահ Ջո Բայդենը խոսել է ամերիկացի սցենարիստների գործադուլի մասին, գրում է People-ը։
Բայդենը ելույթ է ունեցել Սպիտակ տանը «չինական ծագմամբ ամերիկացի» սերիալի հատուկ ցուցադրության ժամանակ։ «Այսպիսի երեկոները հիշեցնում են պատմությունների ուժի եւ այն կարեւորության մասին, թե ինչպես է պետք հարգել եւ գնահատել պատմողներին: Ես անկեղծորեն հուսով եմ, որ Հոլիվուդում սցենարիստների գործադուլը կավարտվի, եւ սցենարիստներին որքան հնարավոր է շուտ կառաջարկվի արդար գործարք, որին նրանք արժանի են»,- գործադուլավորներին աջակցել է 80-ամյա պետության ղեկավարը։
Մայիսի 2-ին ամերիկացի սցենարիստները գործադուլ էին հայտարարել, քանի որ չէին կարողացել համաձայնության գալ կինոստուդիաների հետ՝ աշխատանքային պայմանագրի պայմանները բարելավելու վերաբերյալ։ Նրանք պահանջում են հաշվի առնել վերանայումները, որոնք հաճախակիացել են սթրիմինգային ծառայությունների համար սցենարների պահանջարկի մեծացման պատճառով։ Սցենարիստների գործադուլը կարող է ազդել «Դեդփուլա 3», «Ամերիկայի կապիտան» ֆիլմերի, «Գահերի խաղի» պրիքվելի թողարկման վրա: