Որոշ կոնգրեսականներ Թուրքիային F-16 կործանիչների մատակարարումը կապում են Անկարայի կողմից ՆԱՏՕ-ին Շվեդիայի անդամակցության պայմանագրի վավերացման հետ։ Այս մասին հայտարարել է ԱՄՆ պետքարտուղար Էնթոնի Բլինկենը։
Միաժամանակ նա վստահեցրել է, որ ԱՄՆ նախագահի աշխատակազմը կարեւոր է համարում, որ Թուրքիան այդ կործանիչների արդիականացման համար բաղադրիչներ ունի։
Բլինկենը բացատրել է, որ նախագահի վարչակազմը չի կապում այդ երկու հարցերը։
«Սակայն Կոնգրեսի կարծիքը շատ կարևոր է որոշումների կայացման հարցում։ Շվեդիայի՝ ՆԱՏՕ-ին անդամակցելու և բաղադրիչների մատակարարման հարցերը պետք է լուծվեն որքան հնարավոր է շուտ»,- ընդգծել է նա։
