ԱՄՆ պետքարտուղար Էնթոնի Բլինքենն ուրբաթ հայտարարել է, որ ուկրաինական պատերազմում հրադադար չի կարող լինել, եթե դա «արդար եւ տեւական» խաղաղության համաձայնագրի մաս չի կազմում, որը ներառում է ռուսական զորքերի դուրսբերում, հաղորդում է Associated Press-ը:
Բլինքենն ասել է, որ «հրադադարը, որը պարզապես սառեցնում է ներկայիս շփման գծերը եւ թույլ է տալիս նախագահ Վլադիմիր Պուտինին ամրապնդել իր գրաված տարածքի վերահսկողությունը, ինչպես նաեւ հանգստանալ, վերազինվել եւ պատասխան հարված հասցնել, արդար եւ կայուն խաղաղություն չէ»։
«Ռուսաստանը նույնպես պետք է իր ներդրումն ունենա Ուկրաինայի վերականգնման գործում եւ պատասխանատվություն կրի 2022 թվականին իր հարեւանի տարածք ներխուժելու համար»,-ասել է Բլինքենը Ֆիլնադիայում, որը վերջերս դարձել է ՆԱՏՕ անդամ եւ սահմանակցում է ՌԴ հետ։
Բլինքենի կարծիքով՝ Մոսկվային թույլ տալ «պահել Ուկրաինայի օկուպացրած տարածքի մեկ հինգերորդը, սխալ ազդանշան ենք ուղարկում Ռուսաստանին եւ աշխարհի մյուս պոտենցիալ ագրեսորներին»:
