ԱՄՆ կինոդերասանների համքարությունը (SAG-AFTRA) կողմ է քվեարկել գործադուլին, եթե մինչեւ հունիսի վերջ չհաջողվի պայմանավորվել խոշոր ստուդիաների եւ սթրիմինգային սերվիսների պրոդյուսերների հետ աշխատավարձի բարձրացման շուրջ, տեղեկացրել է CBS-ը։

Գործադուլին կողմ է քվեարկել համքարության՝ արտահայտվել որոշած անդամների մոտ 100 տոկոսը՝ 65 հազար քվեարկողների 97,91 տոկոսը։ Արհմիությունում 160 հազար դերասան, ռադիոհեռարձակման լրագրող, հաղորդավար եւ կասկադյոր կա։ ԱՄՆ կինոյի եւ հեռուստատեսության պրոդյուսերների դաշինքի հետ բանակցությունները կսկսվեն հունիսի 7-ին։

Դերասանները գործադուլ կսկսեն, եթե պրոդյուսերները չհամաձայնեն բարձրացնել աշխատանքի վճարումը, չփոխհատուցեն կինոկոնտենտի ստեղծման ժամանակ արհեստական բանականության օգտագործման սահմանափակման համար։

Մայիսի 2-ին սցենարիստները սկսեցին գործադուլ ԱՄՆ-ում։ Նրանք չկարողացան պայմանավորվել կինոստուդիաների հետ աշխատանքային պայմանագրի պայմանների բարելավման հարցում։ Սցենարիստները, ինչպես եւ դերասանները, պահանջում են հաշվի առնել իրենց պահանջները սթրիմինգային սերվիսների համար սցենարների պահանջարկի բարձրացման համատեքստում։