Հիմա ամառային սեզոն է, և մեզ մի փոքր անհանգստացնում է Վերին Լարսի անցակետի թողունակությունը։ Այս մասին այսօր՝ հունիսի 7-ին, հայտարարել է Հայաստանի կառավարության ղեկավար Նիկոլ Փաշինյանը ՌԴ վարչապետ Միխայիլ Միշուստինի հետ հանդիպման ժամանակ։

«Ես գիտեմ, որ ռուսական կողմը լայնածավալ վերակառուցման աշխատանքներ է իրականացնում, որի շուտափույթ ավարտը շատ կարևոր է ոչ միայն Հայաստանի, այլև Ռուսաստանի համար։ Սա նույնպես կարևոր նրբերանգ է, որը մեծապես կխրախուսի մեր տնտեսական հարաբերությունների հետագա զարգացումը»,- հավելել է Փաշինյանը։

Հանդիպմանը ներկա Ռուսաստանի Դաշնային մաքսային ծառայության ղեկավարի պաշտոնակատար Ռուսլան Դավիդովն ասել է, որ արվում է հնարավոր ամեն ինչ՝ վերակառուցման պայմաններում թողունակությունն ապահովելու համար։

«Մենք ամեն օր գրեթե հազար մեքենա ենք բաց թողնում երկու ուղղությամբ։ Պետք է օրական 1 մլն 500 հազար մեքենայի հասնենք, որ ընդհանրապես հերթեր չլինեն։

Տրանսպորտի նախարարությունը մեզ խոստանում է մինչև հունիսի 15-ը ճանապարհները հանձնել: Եթե ​​լինեն այդ նոր գոտիները, մենք մեկ շաբաթվա ընթացքում կվերացնենք խցանումը։

Վերանորոգումից հետո կգործի 39 գոտի, որից 15-ը՝ բեռնափոխադրումների համար։ Մինչ վերակառուցումը մենք հասել էինք ռեկորդային՝ օրական 1200 բեռնատարի երկու ուղղություններով և 3500 մարդատար ավտոմեքենայի: «Վերին Լարս» անցակետը, նույնիսկ վերակառուցման պայմաններում, ամենաակտիվ անցակետն է»,- նշել է ռուս պաշտոնյան։