Ադրբեջանի ԱԳ նախարար Ջեյհուն Բայրամովն ընդունել է Հարավային Կովկասի հարցերով ԵՄ հատուկ ներկայացուցիչ Տոյվո Կլաարին:

Ինչպես հաղորդում են ԶԼՄ-ները՝ վկայակոչելով ԱԳՆ-ն, հանդիպման ընթացքում Բայրամովն ու Կլաարը մտքեր են փոխանակել ադրբեջանա-հայկական հարաբերությունների կարգավորման, միջազգային գործընկերների, այդ թվում՝ Եվրամիության միջնորդությամբ անցկացվող բանակցությունների ընթացիկ վիճակի վերաբերյալ, ինչպես նաեւ քննարկել են տարածաշրջանային անվտանգությունը։

Նշվում է, որ ԵՄ-ն աջակցում է Ադրբեջանի եւ Հայաստանի միջեւ հարաբերությունների կարգավորման գործընթացին եւ ապագայում ջանք չի խնայի այդ ուղղությամբ երկու երկրների քաղաքական ղեկավարության միջեւ շփումները շարունակելու համար։