Իրանի իշխանությունները հասանելիություն են ստացել շուրջ 2,5 մլրդ դոլար գումարի ակտիվներին, որոնք արգելափակված են եղել Իրաքում։ Այս մասին Tasnim գործակալությանը հայտնել է իրանաիրաքյան համատեղ առևտրական պալատի ղեկավարը։

Ըստ նրա, Իրաքում Իրանի արգելափակված ակտիվների մի մասը հատկացվել է ուխտագնացների կարիքների համար, իսկ փողի մի մասով վճարվել է հիմնական ապրանքների մատակարարումը։ Այլ մանրամասներ նա չի հայտնել։

Ինչպես տեղեկացնում է ՏԱՍՍ-ը, հունիսի 6-ին ISNA գործակալությունը հաստատել է, որ Թեհրանը շուտով ավելի քան 24 մլրդ դոլար կստանա Իրաքում և Հարավային Կորեայում արգելափակված իր արժութային պահուստներից, ինչպես նաև հասանելիություն կունենա Արժույթի միջազգային հիմնադրամի (ԱՄՀ) պաշարներին։ Հունիսի 2-ին Իրանի Կենտրոնական բանկի ղեկավար Մոհամադ Ռեզա Ֆարզինը Վաշինգտոնում հանդիպել է ԱՄՀ կարգադրիչ տնօրեն Կրիստալինա Գեորգիևայի հետ։ Ինչպես գրում է գործակալությունը, նրանց հանդիպման արդյունքում որոշվել է, որ Թեհրանը կարող է ՓՀԻ-ով  (փոխառության հատուկ իրավունքներ, ԱՄՀ-ի հաշվարկային միավորը) ավելի քան 6,7 մլրդ դոլարի հասանելիութուն ստանալ։