News
Լրահոս
News
Հինգշաբթի
Փետրվար 29
Տեսնել լրահոսը

Կենտրոնական ընտրական հանձնաժողովն ավարտել է Երևանի ավագանու ընտրությունների ձայների էլեկտրոնային հաշվարկը։ Բոլոր 475 ընտրատեղամասերի արդյունքներն ամփոփվել են, ըստ որի, նախնական տվյալներով Երեւանի ավագանի են անցնում 5 քաղաքական ուժեր՝ ՔՊ-ն, «Ազգային առաջընթացը», «Մայր Հայաստան» դաշինքը, «Հանրապետությունը» եւ «Հանրային ձայնը»:

Մանե Թանդիլյանի գլխավորած «Ապրելու երկիր» կուսակցությունը չի հաղթահարել 4 տոկոսի շեմը:

Ըստ նախնական տվյալների Երեւանի ավագանու մանդատները բաշխվում են հետեւյալ կերպ՝

ՔՊ  – 24 մանդատ

«Ազգային առաջընթաց» - 14 մանդատ

«Մայր Հայաստան» դաշինք – 12 մանդատ

«Հանրապետություն». – 8 մանդատ

 «Հանրային ձայն»  - 7 մանդատ

Այսպիսով քաղաքական ուժերից ոչ մեկը 50 տոկոսից ավելի ձայն չի ստացել, հետեւաբար անհրաժեշտություն է առաջացել կոալիցիա ձեւավորելու: ՔՊ-ի եւ «Հանրապետություն» կուսակցության մանդատները միասին կազմում են 32 մանդատ, իսկ կոալիցիա ձեւավորելու համար (50 տոկոսից ավելի) անհրաժեշտ է 33 մանդատ:

Մյուս երեք քաղաքական ուժերի մանդատները միասին կազմում են 33 մանդատ, սակայն թե ինչպես կզարգանան իրադարձությունները, այս պահին դժվար է ասել:

Առաջին անգամ Հայաստանի պատմության մեջ առաջացել է կոալիցիա կազմելու անհրաժեշտություն: Նախկինում թեեւ եղել են կոալիցիաներ խորհրդարանում, սակայն դա պայմանավորված չի եղել իշխող ուժի քվեների անբավարարությամբ, այսինքն դրա անհրաժեշտությունը օրենսդրորեն չի եղել:

Նշենք, որ ԿԸՀ-ի հրապարակած տվյալների համաձայն ձայները բաշխվել են հետեւյալ կերպ.

  1. «Հանրային ձայն» կուսակցությունը ստացել է 22,431 ձայն կամ 9.68%
  2. «Քաղաքացիական պայմանագիր» կուսակցությունը՝ 75,463 ձայն կամ 32.57%)
  3. «Արդար Հայաստան» կուսակցությունը՝ 2,595 ձայն կամ 1.12%)
  4. «Հաղթանակ» կուսակցությունը՝ 3,959 ձայն կամ 1.71%)
  5. «Ուժը հայրենյաց» կուսակցությունը՝ 1,706 ձայն կամ 0.74%)
  6. «Հայաստանի եվրոպական» կուսակցությունը՝2,572 ձայն կամ 1.11%)
  7. «Աազգային առաջընթաց» կուսակցությունը՝ 43,765 ձայն կամ 18․89%)
  8. «Հանուն սոցիալական արդարության» կուսակցությունը՝ 780 ձայն կամ 0.34%)
  9. «Հանրապետություն» կուսակցությունը՝ 26,236 ձայն կամ 11.32%)
  10. «Միացյալ Հայաստան» կուսակցությունը՝ 1,282 ձայն կամ 0.55%)
  11. «Լուսավոր Հայաստան» կուսակցությունը՝ 4,174 ձայն կամ 1.8%)
  12. «Ժողովրդավարական համախմբում» կուսակցությունը՝ 2,348 ձայն կամ 1.01%)
  13. «Ապրելու երկիր» կուսակցությունը՝ 8,425 ձայն կամ 3.64%)
  14. «Մայր Հայաստան» դաշինքը՝ 35,739 ձայն կամ 15.43%)

Ընտրության մասնակցածների ընդհանուր թիվը՝ 234,436։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Երևանցիների 50 տոկոսը չի մասնակցել ընտրությանը, քանի որ ֆիզիկապես հարմար չի եղել, Սբխեչի օր էր. Ավինյան
Կուլիսային  ինտրիգները, որոնք շատ դեպքերում նկարագրվում են, իրականությանը…
Երևանի ավագանու անդամ Լևոն Հովհաննիսյանը հրաժարականի դիմում է ներկայացրել
Լիազորությունները վաղաժամ դադարած ավագանու անդամի մանդատը տրվել է «Քաղաքացիական պայմանագիր» կուսակցության ընտրական ցուցակի հերթական...
Ապօրինի կերպով լիազորությունները ստանձնած քաղաքապետը կնշանակի իր ապօրինի տեղակալներին. «Մայր Հայաստան»-ի անդամ
Ձեզ եմ ներկայացնում այսօր իմ կողմից քաղաքապետարան ուղղված հարցումը։ Երևանի քաղաքապետարանի պաշտոնական…
Երևանի ավագանու 2 անդամ ինքնաբացարկի դիմում է ներկայացրել. Նրանք փոխքաղաքապետներ կնշանակվե՞ն
Կենտրոնական ընտրական հանձնաժողովը Երևան համայնքի ղեկավարից ստացել է...
Երևանի ավագանու ՔՊ և «Մայր Հայաստան» խմբակցությունների մի խումբ անդամներ վայր են դրել իրենց մանդատները
Կենտրոնական ընտրական հանձնաժողովը քննարկեց Երևանի ավագանու՝ սեպտեմբերի 17-ին կայացած ընտրություններին մասնակցած քաղաքական ուժերի...
Տիգրան Ավինյանը՝ Երևանի 14-րդ քաղաքապետ
Երեւանի քաղաքապետարանի աշխատակազմի կազմակերպական վարչության պետ Արմինե Վարդանյան ներկայցնելով․․․
Ամենաշատ