Դատավոր Մասիս Մելքոնյանը մերժեց ինքնաբացարկի միջնորդությունը՝ արձանագրելով, որ ինքը Ռոբերտ Քոչարյանի մտքերի հետ համաձայն է, չունի վատ վերաբերմունք և երդվել է լինել անկողմնակալ և այդպիսին է: Այս մասին ֆեյսբուքյան իր էջում գրել է Լեւոն Քոչարյանի փաստաբան Ալեսոանդր Կոչւբաեւը:
Նա նաեւ նշել է, որ պաշտպանական խմբին է միացել փաստաբան Գայանե Պապոյանը, ով դատավոր Մասիս Մելքոնյանի հետ ունի ազգակցական կապ և այդ հիմքով ներկայացնում է ինքնաբացարկի միջնորդություն: Այժմ քննվում է բացարկի երկրորդ միջնորդությունը:
Ավելի վաղ փաստաբան Էրիկ Ալեքսանյանը հայտնել էր, որ դատավորը մերժել էր նաեւ փաստաբանական կողմի ներկայացրած դատական նիստը դռնբաց անցկացնելու միջնորդությունը՝ պատճառաբանելով, որ նախաքննական գաղտնիքի հրապարակաման վտանգ կա:
«Ինքնաբացարկի իամստը կայանոքւմ է նրանում,որ դատարանը ոչ հանդիսանում է անկողմնակալ, ոչ էլ այդպիսին երեւում է: Մասիս Մելքոնյանը որպես նախկինում քաղաքական դերակատար եւ փաստաբան ունեցել է որոշակի դիրքորոշում պարոն Քոչարյանի թե անձի, թե որպես քաղաքական եւ պետական գործչի հանդեպ, ու այդ դիրքորոշումը կրել է բացառապես բացասական վերաբերմունք, իսկ Լեւոն Քոչարյանը Ռոբերտ Քոչարյանի որդին է, հետեւաբար բացասական վերաբերմունքն հնարավոր է ունենա նաեւ նրա նկատմամբ: Հետեւաբար կարծել, որ մենք ունենք օրինական դատարան, կարծում եմ կլինի միամտություն»:
Ավելի վաղ հայտնել էինք, որ Լեւոն Քոչարյանին մեղադրանք է առաջադրվել իշխանության ներկայացուցչի նկատմամբ բռնություն գործադրելու համար։ Նա իրեն առաջադրված մեղադրանքը չի ընդունում:
