Կարմիր բերետավորները քիչ առաջ քաշքշելով բերման ենթարկեցին ԱԺ նախկին պատգամավոր ՀՀԿ-ական Գագիկ Մինասյանին։
«Ասեք թող հետ բերեն։ Մայթով քայլում էր։ Դուք հակաօրինական գործողություն են անում։ Մի արեք, խնդրում եմ, մի արեք»,- դիմելով ոստիկաններին՝ ասաց «Պատիվ ունեմ» խմբակցության պատգամավոր, ՀՀԿ-ական Աննա Մկրտչյանը։
Նշենք, որ Երևանում վաղ առավոտից սկսվել են անհնազանդության ակցիաները։ Փակվել են, մասնավորապես, Սարյան, Թումանյան, Մոսկովյան, Աբովյան, Ռուբինյանց փողոցները, Կոմիտաս–Գյուլբենկյան խաչմերուկը։ Կարմիրբերետավորներն արդեն սկսել են բերման ենթարկել քաղաքացիներին։
Հանրապետության հրապարակում ոստիկանական մեծ ուժեր են կուտակվել։
