Իսրայելը կարծում է, որ Իրանը սպառնում է ոչնչացնել հրեական պետության տարածքում գտնվող միջուկային օբյեկտները, միջազգային հանրությունը պարտավոր է զսպել Թեհրանի այդ ձգտումները: Այս մասին հայտարարել է Ատոմային էներգիայի հարցերով իսրայելական հանձնաժողովի ղեկավար Մոշե Էդրին՝ ելույթ ունենալով ԱԷՄԳ-ի Գլխավոր համաժողովի 67-րդ նստաշրջանում։
«Միջազգային հանրությունը պետք է դատապարտի Իսրայելի միջուկային օբյեկտների վրա հարձակվելու Իրանի եւ նրա արբանյակների կրկնվող եւ ակնհայտ սպառնալիքները։ Իսրայելը կշարունակի պաշտպանել իր օբյեկտներն այդ սպառնալիքներից, ինչպես հարկն է»,-հայտարարել է նա։
Էդրին եւս մեկ անգամ կրկնել է այն պնդումները, ըստ որոնց՝ Իրանը, Իսրայելի կարծիքով, Մերձավոր Արեւելքում եւ ամբողջ աշխարհում կայունության եւ անվտանգության գլխավոր սպառնալիքն է: Թեհրանի գործողությունները, համոզված է իսրայելցի պաշտոնյան, պահանջում են համաշխարհային հանրության ուշադրությունը։
Իրանը, պնդում է Էդրին, շարունակում է զարգացնել իր միջուկային եւ հրթիռային ծրագրերը եւ առաջվա պես մոլորության մեջ է գցում ԱԷՄԳ-ին եւ ողջ համաշխարհային հանրությանը։ Իսրայելը կամ աշխարհը չպետք է հանդուրժեն, կարծում է նա։
